هذا العنوان ليس له علاقة باغنية الحقيبة الشهيرة الجمعة في شمبات والتي احبها جدا وفي اخر مقطع بقول..كل زول مفتون بى زوله عيون لى عيون محاربة
وشفاه لشفاه مقاربة وزى ما الناس يقولوا
خليهم يقولوا
حلات الجمعة يومها وحلو شمبات مقيلها
نحنا بنقول حلات الجمعة يومها وحلو السديرة مقيلها..
معظم الناس هناك يوم الجمعة يوم الراحة وغالبا كل الاعمال تتعطل اللهم الا الموظفين الذين يعودون يوم الخميس ، فهؤلاء يحاولون انجاز عمل لهم يوم الجمعة زي حيطة واقعة ولا سقف مطبخ أو حاجات من هذا القبيل ، المهم ح احاول ارسم الصورة العامة ليوم الجمعة في السديرة..من الصباح تقوم تمشي علي السوق اما بغرض حمل كيس الحلة وده غالبا بكون مصلح لما يكون في صرف (لكن ياحليل الصرف وياحليل مشروع الجزيرة) دي تخريمة مافي محلها ، ومرات الحكاية تكون مصلحة جدا تكون ماش تجيب ليك عتوت يمكن يكون جاينك ضيوف ،ومرات يكون الذهاب بغرض تغيير جو والبحث عن تجمع لملاقاة أصدقاء ، ده اذا كان اصدقاءك فايقين زيك ماعندهم شغلة يوم الجمعة ، ومثل هؤلاء الذين يذهبون بغرض الونسة الواحد فيهم يلحظ هناك جماعة قادمة من قبل الفلاتة وجماعة قادمة من قبل فريق وري وجماعة قادمة من حي المطار ( ده حقنا نحنا) وجماعة كمان قادمة من اتجاه المكتب ، الزول الزي ده يمش مرات علي الجزارين وبعد شوية علي ناس الخضار وبعد القاء نظرة عليه يقوم يلف شوية كده علي ناس الملابس الفارشين في الواطة ولو تذكر ان حذاءه يريد خياطة أو علي وشك انه ربما احرجه في منتصف الطريق يقوم معرج علي النقلتية ، يلا بعد داك يشعر انه بدأ يتحسس الجوع يقوم مهرول نحو البيت ليتناول الفطور وبعدها يدخل في مشروع الشاي والجبنة ، واثناء شراب الجبنة يقوليك ، الصلاة جات ، يابت ودي لي موية الحمام واذا كانت الدنيا برد يقوم يسخن الموية او يختها في الضرة عشان تسخن شوية ، بعد مايخلص الحمام يقوم يشوف ليهو جلابية يدخل فيها وربما يكويها وهو علي وشك الخروج الي صلاة الجمعة واذا في ريحة يقوم يبخها عليه ويشنق الطاقية والجامع جاك زول...وبعد اداء الصلاة يقوم واحد كده يطلب المساعدة مثلا، وهنا تستحضرني طرفة في يوم من ايام جمع جمع جمعة السديرة بعد ان ادينا الصلاة قام واحد جنوبي قال ياجماعة أنا دخلت الاسلام وعاوز مساعدة علي طول قام عمنا الجد وهو مشهوربالتعليقات الساخرة وبعلق وهو خارج ، المهم اثناء ما الراجل بطلب المساعدة قام عمنا الجد قاليهو: ها الداي المغفل ده.. قالوا ليك دينا فيهو قروش؟ القروش في دينكم انتو ، بمعني يسخر من الراجل يعني لو عاوز القروش، الاسلام مافيهو قروش، القروش في الدين المسيحي علي حسب فهم عمنا الجد...
المهم بعد الصلاة تمشي علي طول البيت وتلقي صينية الغدا جاهزة وبعد الشاي تاخد ليك نومة وبعدها تلقي صلاة العصر جات ،بعد الصلاة تفكر ياربي امش وين؟ لو في مباراة لقدام تكون الحكاية تمام ولو مافي تحاول تشق الحلة طولا وعرضا علي بال ما الشمس تغيب..وصدقوني بعد صلاة المغرب اي واحد يبدا الهم علي راسه لو كنت طالب بكرة المدرسة (النظام الجديد المدرسة يوم الاحد) ولو كنت موظف بكرة تشيل هم قومة بدري ولو عندك حاجة كده خااااااااااااااااصة الحنية تكسو مظهرك العام...
بطريقة أو باخري الجمعة انتهت......................
وشفاه لشفاه مقاربة وزى ما الناس يقولوا
خليهم يقولوا
حلات الجمعة يومها وحلو شمبات مقيلها
نحنا بنقول حلات الجمعة يومها وحلو السديرة مقيلها..
معظم الناس هناك يوم الجمعة يوم الراحة وغالبا كل الاعمال تتعطل اللهم الا الموظفين الذين يعودون يوم الخميس ، فهؤلاء يحاولون انجاز عمل لهم يوم الجمعة زي حيطة واقعة ولا سقف مطبخ أو حاجات من هذا القبيل ، المهم ح احاول ارسم الصورة العامة ليوم الجمعة في السديرة..من الصباح تقوم تمشي علي السوق اما بغرض حمل كيس الحلة وده غالبا بكون مصلح لما يكون في صرف (لكن ياحليل الصرف وياحليل مشروع الجزيرة) دي تخريمة مافي محلها ، ومرات الحكاية تكون مصلحة جدا تكون ماش تجيب ليك عتوت يمكن يكون جاينك ضيوف ،ومرات يكون الذهاب بغرض تغيير جو والبحث عن تجمع لملاقاة أصدقاء ، ده اذا كان اصدقاءك فايقين زيك ماعندهم شغلة يوم الجمعة ، ومثل هؤلاء الذين يذهبون بغرض الونسة الواحد فيهم يلحظ هناك جماعة قادمة من قبل الفلاتة وجماعة قادمة من قبل فريق وري وجماعة قادمة من حي المطار ( ده حقنا نحنا) وجماعة كمان قادمة من اتجاه المكتب ، الزول الزي ده يمش مرات علي الجزارين وبعد شوية علي ناس الخضار وبعد القاء نظرة عليه يقوم يلف شوية كده علي ناس الملابس الفارشين في الواطة ولو تذكر ان حذاءه يريد خياطة أو علي وشك انه ربما احرجه في منتصف الطريق يقوم معرج علي النقلتية ، يلا بعد داك يشعر انه بدأ يتحسس الجوع يقوم مهرول نحو البيت ليتناول الفطور وبعدها يدخل في مشروع الشاي والجبنة ، واثناء شراب الجبنة يقوليك ، الصلاة جات ، يابت ودي لي موية الحمام واذا كانت الدنيا برد يقوم يسخن الموية او يختها في الضرة عشان تسخن شوية ، بعد مايخلص الحمام يقوم يشوف ليهو جلابية يدخل فيها وربما يكويها وهو علي وشك الخروج الي صلاة الجمعة واذا في ريحة يقوم يبخها عليه ويشنق الطاقية والجامع جاك زول...وبعد اداء الصلاة يقوم واحد كده يطلب المساعدة مثلا، وهنا تستحضرني طرفة في يوم من ايام جمع جمع جمعة السديرة بعد ان ادينا الصلاة قام واحد جنوبي قال ياجماعة أنا دخلت الاسلام وعاوز مساعدة علي طول قام عمنا الجد وهو مشهوربالتعليقات الساخرة وبعلق وهو خارج ، المهم اثناء ما الراجل بطلب المساعدة قام عمنا الجد قاليهو: ها الداي المغفل ده.. قالوا ليك دينا فيهو قروش؟ القروش في دينكم انتو ، بمعني يسخر من الراجل يعني لو عاوز القروش، الاسلام مافيهو قروش، القروش في الدين المسيحي علي حسب فهم عمنا الجد...
المهم بعد الصلاة تمشي علي طول البيت وتلقي صينية الغدا جاهزة وبعد الشاي تاخد ليك نومة وبعدها تلقي صلاة العصر جات ،بعد الصلاة تفكر ياربي امش وين؟ لو في مباراة لقدام تكون الحكاية تمام ولو مافي تحاول تشق الحلة طولا وعرضا علي بال ما الشمس تغيب..وصدقوني بعد صلاة المغرب اي واحد يبدا الهم علي راسه لو كنت طالب بكرة المدرسة (النظام الجديد المدرسة يوم الاحد) ولو كنت موظف بكرة تشيل هم قومة بدري ولو عندك حاجة كده خااااااااااااااااصة الحنية تكسو مظهرك العام...
بطريقة أو باخري الجمعة انتهت......................