البقرات الانبهطن

اخونا الريح سمعنا بقصة البقرات الثلاثة لكن الانبهطن اقصد الانخلعن دي جديدة وديل الا يكون خلعن ابو طلعت

الاخ كاريكا مشكور علي الانبطاهة دي وانا ذاتي بقيت منبطه بس ياريت لو كان ذكرت لينا صاحب البقرات ..وتحياتنا للاخ علوب وياما بهطني مرات ومرات..

والله يا الريح انا ذاتي انبهطت لاني كنت متوقع الانبهاطة دي مقلب من مقالبك لكن ظهر ليها اصل - انبهط ينبهط انبهاطة - اها يالريح اخوي سمعت بالواحدة الي كانت تتطرش اكان ما سمعت بيها اطلبا مني عشان احكيها ليك

هههههههههههه انبهط المنتدى .............مشكور يا ابوالريح

اها يالريح اخوي في مرة من ذات المراير لما كنا في المدرسة الابتدائية طبعا انت عارف سوط العنج اها يالريح اخوي دق جرس الطابور والطابور انتهي والحصة الاولي بداءت ومعانا بنت اتاخرت جدا المهم جات داخلة الفصل وحصة الرياضيات شغالة قام الاستاذ سالها وطبعا مع السؤال طوالي السوط في السماء (يابت الاخرك شنو ) البت مما شافت السوط حصل ليها انبطاه (انبهطت) وردت بخلعة والله يا استاذ كنت بتطرش وبتطرش للماعرفين كانت بتعمل ما كياج (make up ) بالطريقة السودانية القديمة جدا مسوح كركار وزيت وحاجات كدة (بعدين يالريح ما تتمسك بكلمة حاجات كدة والله والواحد بقي يخاف من ردودك ويحصل ليهو انبهاط)

[color=darkred]هاهاهاهاهاهاهاهاهاها والله ده ما بقي صوت عنج....ياخي دي حصل ليها انبهاط في الفشاش الحشفي

تيحاتي يا الشمالي يا زول يا رائع.....شفت كلمة زول دي كيف؟؟؟ ليها طعم صح.؟؟؟
اسوي لي شنو يا جماعه انتحو؟؟؟؟[/color]