الاهل الاعزاء بالخارج اولاً العيد مبارك عليكم كلكم وان شاء الله تامين ولامين وانا عايز اناشدكم يا اخوانى واهلى انكم تفتشوا على ود اب عاقلة ود امحمد ود الضو لانو طلع بى السنبك من السنة الفاتت لا رسل جواب ولا جاب خبر وامو والله شفقانة عليهو شديد وجاتنى فى البيت كم مرة عشان ارسل نداءات للناس ونشرت نداء عبر صحيفة الخرطوم وقناة النيل الازرق والحمد لله جانى كم اتصال من الرياض من ناس انا ما بعرفم بس بمجرد ما سمعوا النداء اتصلوا على وقالوا حا يفتشوا عليهو ولو لقوا اى معلومة عنو حا يتصلوا على تانى عليكم الله سيبوا اى موضوع على المنتدى وتابعوا موضوع اخوكم وولدكم على ود اب عاقلة وطمنوا قلب امو يرحمكم الله وان شاء الله ربنا يجمع بيهو .
