أبناء الشرقية

الاخوة ابناء السديرة الشرقية !!
((أنقذوا قريتكم ))
(ايها الاخوة الكرام القرية الان ى اشد الحوجة الى وققتكم))
هنالك قى القرية مشكلة كبيرة جدا جدا وتحتاج منكم ابناء القرية ووقة قوية
ووقة رجولية ومضوع حساس ومهم جداجدا وهو إخوتى (مشكلة الماء)
الاخوة الكرام يعانى اهلكم بالقرية من مشكلة مياه الشرب وعلى حسب متابعتى وعلمى بان لاتوجد ماء صالحة للشرب مما أدى الى إيقاق البيارات الاثنين
لعدم صحية الماء والآن اهلكم يعانون معاناها شديدة من عدم ماء الشرب
النقية نرجو من الاخوة الكرام المغتربين من وققة قوية ومساعدة اهلكم
قى حل هذه المشكلة الكبيرة ولاتنشوا الدنيا رمضان والكورة قى ملعبكم
الاخوة ابناء السديرة الشرقية وبقو رجال والبلد ى اشد الحوجة لكم
والى دعمكم ووقوقكم مع اهلكم اللهم انى بلغت قااشهد !!!!
يلا هموا وقولوا كلمتكم ؟؟؟؟؟؟؟؟
وشكرا /أخوكم محمد أمحد صالح عبد القادر
السديرة الشرقية

بسم الله الرحمن الرحيم الماء عصب الحياه ولاتحتاجون لمناده اخونا محمد وفعلا رمضان داخل وتاكد حتى اخوانكم واقفين معكم والعلى اخوننا فى الشرقية كمان علينا نحنا انشاءالله حتى يشربو ماء صافى انشاءالله ونداء لكل الشباب مد يد العون لاخوتنا ولاهلكم بالشرقية
ولكم شكرى وتقديرى
والله الموفق

الاخ هيثم نشكرك على شعورك النبيل ودائما سباق لعمل الخير ودائما
قلبك مع اهلك وهذه من اصلك ومن شهامتك ربنا يزيدك ويقويك
وجزالك الله الف خير

دايريين عمل تحرك حقيقى ويا مشرف ثبت الموضوع فوق يالله كونو لجنه ترتبط مع اللجنه الاصلا متابعة فى الحلة وشوفو المطلوب شنو وحددو البتقدرو علية علشان مايكون المنبر والمنتدى للونسه وبس
ونحن جاهزيين لكل قرارات مشرفيين المنتدى

المياه عصب الحياة
اجعلو من المنتدى محرك حقيقى للتنميه فى المنطقه

ادركو اهلكم فى السديرة الشرقيه ورمضان على الابواب
والدينا صيف
ولاحياة بدون مياه

شكرا لك ابو عبدالعزيز وهذا من اصلك ومن معدنك والدك الله يرحمة ويغفر له
كان على نفس المنوال ونعم الاب ونعم الابن وهذا الشبل من داك الاسد!!!!!

الاخ الريح سلام عليك هذا الموضوع ولاية جزاء وشكر لانه واجب والواجب على
اهل البلدجميع وشوق نحن ى شنو والحسانية قى شنو !!!!!!!
ولا واحد من ناس البلد هزتو شعرة ونقول الله يهون على اهلنا قى السديرة !!!!!!

يا ابناء السديرة الشرقية تمرحو وتكتبو وتلعبو وتاكلوا وتشربوا وبلدكم
بدون ماء !!!!!!!وين الهمه والوطنية وما الفائدة من المنتدى اذا ما حلنا
مشاكلنا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الاخ ابو عمار لك العتبي حتي ترضي والله طرحك لمسالة الماء في غاية الاهمية ونتمني من الله ان يجعل الحل علي ايدك يارب ، والكل مقصر في هذه المسالة ونتمني اي زول يقوم بدوره في هذا الجانب. بس في حاجة احب اطمئنكم عليها انو البيارة القالوا مويتها ما صالحة واحدة فقط وهي القدامية اي القديمة ولكن الجديدة عال العال00وده لا يعني نترك المسالة بل علينا الجدية اكتر...ودمتم

أهلى وأحبتى ورفاقى وأصدقائى وأبناء عمومتى وعشيرتى

الإجتماع على كلمة سويا من أجل الفعل لا القول هى من مرتكزات التنمية والنهوض ومشكلة السديرة ليس فى الماء فقط بل هنالك الكثير من المشاكل التى تحتاج الوقفة الجدية فمظهر السديرة لا نوده فى لبسنا ومظهرنا فقط بل فى جماليات وكماليات القرية والكمال لله وحده والحمد لله أننا نجتمع فى بلاد الغربة ووسيلة التواصل سهله بيننا فكمقترح أتمنى أن يكون هناك صندوق شهرى على كل سديراوى أصيل مبلغ معين يحول لصالح مشروعات القرية التنموية


إبراهيم على حمامه[ندعوك للتسجيل في المنتدى أو التعريف بنفسك لمعاينة هذه الصورة]

تسلم يا اخي الصادق يا ود قباب العلم و اهل الراية الخضراء يا ود المشايخ و اهل البركه
....انت وينك يا الحبيب ؟؟لا حس لا خبر يعني؟؟
ملحوظه....بالله عليك رسل لي رقم بانقا في في الرسائل الخاصه