كلمات ليها

يا واقفة بين جرح السحاب الني وشهقة الأرض البكر..

أديني احساس بالأمل مع كل دفقة شوق تطول ..

وأدي الخطاوي الماشه ليك في سكتك عشم الوصول...


تحياتي والسلام،،

لي قدام ،،،

أبومأب
الامارات

هلااااااااااااااا با ابو ماب نورت وشرفت، بعدين ياخي انت ما اخدت الاذن لكن زي مابقولوا الجماعة ديل مسموح، كان علي الاقل تدينا خبر عشان نفرش ليك الشارع سفاية ، بس اقوليك ياخوي عاوز اعمل منتدي باسم ود الجد يحوي كل طرائفه ماتضحك،
تحياتي ليك ولام مأب ولمأب (العاطلة)

هلا والله بيك يا ابو مأب والله مشتاقين... وداير اقولييك فات الكان بيدينا احساس بالالفة وكان راوينا.. فات الباكي جرحنا وناسي جرحو ولافي ورانا مدينة مدينة ... ولكن في املنا الباقي يسرح بي واهاجر لي زمن تانى .. تبقى الدنيا في عيني هدأة موجة في بحر الاسى الممدود ...هجعة خطوة في سكة فرح مفقود .. رجعة غنوة من درب الضنا المهدود؟؟..!.. وتسلم وواصلنا ...وصل تحياتنا لام مأب ومؤبة كمان .

الأخ حسبو .
بعد التحية والسلام ،،،

أول حاجة نبارك لانفسنا بان عشنا لنرى التواصل بيننا عبر الانترنت،الحمدلله ان اوجد بيننا ابناء واخوان به>ا القدر من العلم والمعرفة " طبعا ده كلام جادي شوية معاك"

لكن ده برضه ما بنسيني "عطالك" انت واحمد أخوي اكبر "عطلنجية" طبعا ده كلام ببفهمو الا حسبو يا ناس المنتدى لان ما هى الا مصطلحات وبس . المهم بضيف ليها برضه يا قول الريح " الأمور" يا ابو الأمور، مشتاقين والله،وان شاء الله نتلاقى في ضل شجرة السديرة ام همبريبا ضارب.

تحياتي والسلام ،،
لي قدام.
أبومأب

عدل سابقا من قبل daffallah mohd idris في الخميس مارس 20, 2008 3:05 am عدل 1 مرات

يا مثنى ،، وين انت يا ابوطويلة ؟

ضربت الهند وعرضت مع الدراهم البتبدلها لي روبيات دي، والله مشتاقين ، عامل شنو واخبارك ؟ طمنا عليك ، ان شاء الله إتاقلمت مع الحياة العجيبة مع الهنود،و الدراسة أهم حاجة طبعا، ما تكون إتعلمت "تلولح"راسك شمال ويمين،هي هي هي ها ها هي.

إن شاءالله عقبال مهندس قدر الدنيا،

تحياتي وبالتوفيق وما تقطع
لي قدام،

أبومأب

يا ابو الدفاع انت نسيت ليك زول ارسى قواعد العطالة فى البلد بل هو العطال نفسه يسير على قدمين ( عثمان ود يابا كبير - ود الكباشى )لكن هسه ماشاء الله من الترطيبة قدومو الطويل داك راح .

يا حسن؟؟؟

وين انت يا كابتن ، الأخبار شنو ؟ والله بركة في الشوفة ، سعدت بتواجدك بالمنتدى وما لقيت زمن ادخل على النت واكلمك، عموما البركة السمعنا منك ، والحي بلاقي ، في السديرة إن شاء الله.

سلاااااااااام