مازدا: الظروف خدمت منتخب مالي وفرصتنا قائمة بالتأهل

ذكر محمد عبدالله مازدا أن الظروف خدمت منتخب مالي في مباراة الأمس مشيراً الى الغيابات العديدة في المنتخب والارهاق الذي أثر على اللاعبين، وقال مازدا: استمرت الرحلة من الخرطوم الى باماكو ثماني ساعات، ومن الطبيعي أن يتأثر اللاعبون بالارهاق، وأوضح مازدا أن منتخبنا استحوذ على الكرة في الكثير من فترات اللقاء وسجل افضلية على أصحاب الأرض، متحسراً على الفرص التي ضاعت على مدار الشوطين، ورأى مازدا أن منتخبنا ما زال قادراً على التأهل من المجموعة.
من جانبه أشاد ستيفن كيشي مدرب منتخب مالي بالانتصار الذي حققه النسور على صقور الجديان أمس وذكر أن الفوز مستحق، ووصف ستيفن كيشي باللاعبين بالرائع، وقال: استغل منتخبنا الأخطاء التي وقع فيها المنتخب السوداني ووصل لمرماه ثلاث مرات، ولكن كيشي امتدح منتخبنا ووصفه بالمنتخب المميز وأشاد بصفة خاصة بهيثم مصطفى وسفاري، واعتبر كيشي ان منتخب مالي حسم التأهل والمباريات المقبلة أداء واجب.

تشرفت بقدومك وزدت شرفا بردك الجميل اخى الكابتن الريح
نتمنى ان نرى كل اقسام المنتدى فى تميز ليس القسم الرياضى فحسب وبالمناسبه ياكابتن هذا القسم يحتوى على الاخبار الرياضيه طازجه وماواكبه قبل مواقع الصحف السودانيه فهذه تحسب لمنتدانا العامر باهله فلك منى الشكر اجزله

ياود الفكي مشكووور ولكن انا اليوم ضدك في مازدا يااخي مازدا ماقدم اي شئ للسودان ولا في ايامو الكان بلعب فيها ولعيبتنا بس بعرفو اللعب في السودان ليس الا لكن بره البلد بيجيبو البولهارسيا عدييييييييل ومازدا دا كان بيجليها واااااااااااااقفة .... قال الظروف قال ؟؟؟؟؟؟

هاهاهاهاهاهاهاهاها
ود الفكي الحق ابوطلعت قبل يطرشق والله طلع ممكون و صابر...قلت لي بجليها وااااقفه؟ والله دي عوجه كبيره خلاص

ود الفكي انامعا ابو طلعت لا مازدا ولافريقنا القومي بيلعب يس الله يكون في العون

يا جماعه ده واقعنا مافينا نغيرو ويا ابوطلعت ما زدا البتتكلم فوقو ده مافى سودانى محترف زيو ولافى واحد سودانى نال ربع شهادات مازدا خليك من انا مريخابى اخده بى العاميه ولو حصلت سودانى عندو نص مؤهلات مازدا بعد داك بنديك المايك تتكلم فى العمل العجز الاجانب والمنظراتيه المحلين انو يعملو من قبل 30 سنه والله مازدا مدرب ما ساهل بس عيبنا ماعندنا لعيبه زى الناس وده واقعنا ولازم نرضى بيو وخلو روحكم رياضيه واشكركم جزيل الشكر على التعقيب الجميل ويا جماعه من مولد المنتدى انا مستنى لى واحد من قبيلة بنى زرقان عشان يحلو شويه المنتدى يكون فيه جدال ونقاش زى ده وتعم الفائده وخلونه نشوف الايام الجايه البحصل شنو عايزين واحد اتجراء ويقول انا من بنى زرقان ويكون جاهز للمبارزه الحرفيه فتقبلو الدعوه.