علميني الإحتمال
" علميني الإحتمال..
كيف نجاوب عن هوانا
لما يَغْلبْنا السؤال
لما يتأرجح مُنَانَا..
بين مظنه وإحتمال
ما بحسك دونك انت ما الحقائق هي الظلال
والحرف بعرف مداه حتى لو جف الخيال"
علمينى الاحتمال
ونحن كيف نقدر
نقاوم في زمن مل الحوار
صرخة بتموت فى المزارع
زيف مشتت في الشوارع
بين مداينا الكتار
علمينى الاحتمال
ونحن كيف نقدر نقاوم
هجمة الزمن التتار
وكيف نحصل
ومضة الأمل البيشرد كل مره
وفي انتظاري انت والشوق في المجره
برق خفف من خُضُوبك
ورعد يفتح لي دروبك
وغيث يغفّل في شجوبك
علميني الاحتمال
ونحن كيف نقدر نجمع لي ملامح الليلة
من عمق المدار
علميني الاحتمال
ونحن كيف نقدر نصارع
في بلد مليت صفوفا
ولا امشي علي المزالق في بلد
نكرت دفوفا
ولا اشيلك واحتمالك
اما اديك احتمالى
يا اشيل منك ظروفك
ولا ارجع ليك حروفك
غنية تمرق من دفوفك
برجي هجعة ليل طيوفا
علمينى الاحتمال
ولا نتعاهد نواصل
في الظروف القاسية نمشي
ولمة الاطفال نشوفا
ومضة تمحوها الظلال
ونظرة تغنيك عن سؤال
في خيالك وغيم ظلالك
لما يتجاوب سؤالك
ترفع الاحزان ظروفا
وتنقر الافراح دفوفا
لما نتقابل نحقق في وجودي
وفي وجودك أحلي شوفه......
ابوعمر ودالعقاب
" علميني الإحتمال..
كيف نجاوب عن هوانا
لما يَغْلبْنا السؤال
لما يتأرجح مُنَانَا..
بين مظنه وإحتمال
ما بحسك دونك انت ما الحقائق هي الظلال
والحرف بعرف مداه حتى لو جف الخيال"
علمينى الاحتمال
ونحن كيف نقدر
نقاوم في زمن مل الحوار
صرخة بتموت فى المزارع
زيف مشتت في الشوارع
بين مداينا الكتار
علمينى الاحتمال
ونحن كيف نقدر نقاوم
هجمة الزمن التتار
وكيف نحصل
ومضة الأمل البيشرد كل مره
وفي انتظاري انت والشوق في المجره
برق خفف من خُضُوبك
ورعد يفتح لي دروبك
وغيث يغفّل في شجوبك
علميني الاحتمال
ونحن كيف نقدر نجمع لي ملامح الليلة
من عمق المدار
علميني الاحتمال
ونحن كيف نقدر نصارع
في بلد مليت صفوفا
ولا امشي علي المزالق في بلد
نكرت دفوفا
ولا اشيلك واحتمالك
اما اديك احتمالى
يا اشيل منك ظروفك
ولا ارجع ليك حروفك
غنية تمرق من دفوفك
برجي هجعة ليل طيوفا
علمينى الاحتمال
ولا نتعاهد نواصل
في الظروف القاسية نمشي
ولمة الاطفال نشوفا
ومضة تمحوها الظلال
ونظرة تغنيك عن سؤال
في خيالك وغيم ظلالك
لما يتجاوب سؤالك
ترفع الاحزان ظروفا
وتنقر الافراح دفوفا
لما نتقابل نحقق في وجودي
وفي وجودك أحلي شوفه......
ابوعمر ودالعقاب