حروف ريدك

كتبت كتير حروف ريدك ولسه كمان بدور اكتب
بدوراكتب قوافي الشوق عشان عاشقك وليك بحب
عشان بهواك بالاحساس احساس صادق ماهو كذب
احساس زول كتير حباك ولي قليبك بيدور لو درب
عشان بهواك وليك بشتاق بعد ميعاد لقاك واحسب
بعد الساعة والثانية وكلو عشان اشوفه قرب
عشان حابيك من قلبي حبك من دماي شرب
اصلو قليبي من رادك كم قاسى العذاب وتعب
ماضاق الفرح مرة ولا بالصدفه حتى طرب
ليه يا ظبيه ظالماني شايله قليبى مني سلب
ليه مانعاني بس قلبك ليه زارباة مني زرب
قدر ما امشي في دربك دربك ليا صعب
اناالقاسيت عذاب الريد ليه في حقي ما خدو ذنب
ليه سايباني للالام انا الواهبك قلبيبي وهب
داير اتم هناي معاك انا الجنبك ومغترب
داير قلبي يسعد يوم لو لحظات وحتى كضب
اشوفو يغني يتمايل كلما نسمة ليهو تهب
قلبك انتي ليه قاسي انا الما كنت قايلو صلب
انا الباريت كتير دربو امشى شرق يمشي غرب

ولو ما وصلت لي قلبك قلبي انا ما بشوفو كسب
كم ناديتو شان يرجع اصلك سالباه مني سلب
اصلو الزول اذا ظالم في الاخر بيكون مذنب

بين الريدة والالام بحور من الدموع
وانهار من السعادة
فمن احكم السفينة وارتاد البحور قذفت به الي شوطئ الانهار
ومن صرعته امواج البحر جرفته الي شوطئ الحزان
(اليس كذلك ياست البنات)

لو الريده ادت زول كان ادتنا صح لسانك يا بت الخاتم

لوالريده ادت انا يا خالتو

لو الريده بتدي ماكان دى الحال

انشاء الله يديكم

اختى ست البنات مشاركاتك تحسب على الاصابع انما ماشاءالله الهما لاحسد كلها مليانة وفى انتظار روائعك اختنا ست البنات
ولك شكرى وتقديرى
والله الموفق