قال طه : أخوك يا ريا وكت الخيول بدبكن أخوك يا ريا وكت الرماح يتشبكن اخوك جبل الثبات وكت القواسي بحبكن كم بكيت وكم قشيت دموع الببكن قالت ريا وراك اسود علي ما نمت اسع طيب قال طهبسم الله قولي اخوك طيب نصيح وشديد حاضر قلبي ماهو مغيب إلا الشفتو في النوم من هوايله يشيب الزول في الصحي مخدوم عليه شقاهو وإن غمض شويه تجي الهموم لاحقاهو الصف ابلبوس انا ما بخافو لقاهو ياليت الحلم في صحيا كان بلقاهو ... كان خيرولا شر بلقاهو ما بهم بالى وحارسنى السبات من الكبار قبالى وكت هسع صحيت وشفتك سالمه قاعده قبالى ان اتلخبت الكون مانى مبالى قالت ريا كعب نوم النهار أمس العصير كنت نايمه رأيت قدام الفريقنا أشوف صقوراً حايمه كبيرن غار علي من نومي تبيت قايمه صحيت مهجومه لا مفصل ولا في القايمه قليها طه : وانتي كمان رأيتي صقور عباره غريبه علامتا كافية ظنيت الحكايه قريبه هاك مني الصحيح الما بتدخلو الريبه هادي الحله بي عيني أشوف تخريبه قالت ريا تف الشينه ليه فاجعني ليه يا طه انت الدغري وانت الكاشفه ياك غطاها كان الدنيا هادي العقبة تتخطاها ما بضلل سماها وما ابتشيلني وطاها وقعدت ريا تبكي رد عليها طه وقال ما بفيد البكاء وكلامي احسن تنسي قالت ليه ريا كيف ما ابكي وكيف افوت مراتع انسي افقد كل شي عزي ورجالي وانسي تطلق فوقي نار عقبان تقول لي انسي ..

ياريت لو الزمن برجع لوري والواحد يختار يعيش مع ناس ذي ديل لكن ياحسرة عشنا في زمن البت من الولد مابتعرفو