شعر حلمنتيشي عن الحب في النت

طه الضرير والطيب ود ضحوية كانا في طريقهما إلى أبو دليق وكان طه يبحث في اللاب توب في الإنترنيت بال Wireless. ، عن رد من محبوبته. فوجد رداً قصيراً. فأنشد قائلاً:
شديت ال Pentium واصبح يبرطع جايط
وال Internet دقش قلبتو صايت صايت
على ام شعراً حلال ما طولنو وسائط
وعطشان الغرام ما برونو 2 K.Bite

فرد عليه الطيب قائلاً:
الفيك يا طه Virus والله الكريم الشافي
وما بفيدك طبيب حتى ان بقيت Mc Kafi
غير لخلوخة الهرفة أم قليباً جافي
وأركز للتجيك يا طه Options مافي

استسلم طه وأنشد:
إيميلك وصل زود علي الهم
والفكر انشغل ال Ram عليك وال ROM
يالصلاح جميع أنا والحبيب نتلم
ويا ساكن الضريح سيدى الحسنDot Com
الليلة ام شلوخ لاقيتا عند ال Chat
وال Virus ضرب قلبي ومحى الفايلات
يوم شافني الفقير البكتب البخرات
قال Defrag ما بفيد أحسن To Reformat
بعد ما كت فقير بخراتي Word و Excel
دقشتني أم رشوم خلت درايفي إختل
Mother Board القلب الكان زمان Intel
بقى Chipset رخيص كل ما ربطتو أنحل
الخبر الأكيد اليلة جابو ال Yahoo
وقال ست البنات إيميلنا مي طارياهو
ست القوام Hardware نظامو براهو
غرامك Virus الهجعة البقرض الجاهو

ضيعت المعانى يابو سكالاكا وبهدلت الجميع خليتنا مانتحاكا لا شات ولا فيس بوك معاكا وعجبى من زمن ضياع القيم
وشكرنا على المساهمةا

مشكور ياسيدي ابومحمد بس زي ماقال عمك العجوز بهدلت المعاني والكلام الجميل ده تاني مابجي وياريت نحفظو علي اصلولانو كلام حلو ورصين اتقال في وقت سمح وزين..وسؤال يااخونا سكالاكا هل شعر طه ود كين بتفضلو هو ولا شعر ناس واااااااااووهاااايات بقصد يعني ناس زي ماتقول كده حرامي القوب تلب..هههههههه لك التحية حبينا ناغلك ومساهمة قيمة زيدنا اكتر..

مشكوووووووووووور

مطلوب عودة العجوز محمد قسم السيد عشان يدينا شوية من شعر ناس طه الضرير وكل كلام العجائز الزيو.........

الحمد لله الذى انعم علينا بعودة منتدانا والماعندوا كبير اشير ليه كبير ولا مش ياجدو حسيب

فعلا الماعندو كبير يشتري ليهو كبير والحمد لله كبيرنا محمد قسم السيد موجود وربنا يمتعه بالصحة والعافية..وابري منك ياكبيرنا من الكبر انا لسه لعبي ماكلملتو ولاعمتا في الترعة ولا شركت بالقلابة ولا ولالعبت شليلولا الرمة وحراسهولاحرت..وهلمجرا من الالعاب الشعبية..نحنا جيل البلي استيشن والحاجات دي...فهمت يا جدو انت...؟