منتديات السديرة
أنت غير مسجل لدينا . للتسجيل اضغط على زر التسجيل


منتديات السديرة
أنت غير مسجل لدينا . للتسجيل اضغط على زر التسجيل

منتديات السديرة
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات السديرةدخول

descriptionعرس كيت  Emptyعرس كيت

more_horiz
[img][/img]هسي انا جاي امبارح من عرس كيت جاتني دعوة عديل بالايميل قالو لي انت مدعو لعرس كيت وليام في انجلترا قبال كده جاتني كم رسالة اني ربحت مريون مليون دورار ماشتغلت بيها علما اني ذاتي ماشاركت في مسابقة وقالو لي برضو في ايميل اني ربحت سيارة نوعها شنو ما مهم لكن المهم انو احول ليهم 1000 يورو عشان انا سعيد الحظ يعملو ليها بيها اجراءات الشحن من والي السودان ويا الكرين جاتك سيارة فاره علما اني برضو ماشتركت معاهم في المسابقة دي ده غير الاميلات البتجي من افريقيا انا فلانه الفلانية ابوي كان تاجر شنو ما عارف واتوفي في الحرب الاهلية وانا هسي قاعدة في معسكر في للاجي الحرب وعندي قروش بالهبل ما عارفه اوديها وين ممكن تشاركني الربح لكن عايزة لي 500 دورار عشان اجراءات التحويل وووو وانا فلان من جمهورية علان الاسلامية غير التلفونات البجيك من الربح السريع غايتو الحكاية طويلة ولما تكتب ليهم جيبي القروش واخصمي منها الدايراه ورسلي الباقي تزوغ وانا لاقي 500جنيه عشان 500 دولار المهم جاتني دعوة من جهة ما وقالو ليه انت فوزت بحضور زفاف كيت ووليام اها قلت المره دي انا الخواجات ديل ما بخزلهم تب وعندهم علينا حق خصوصا انهم نظموا لينا مشروع الجزيرة ده قبل ما يلحق خراب سوبا وسوا لينا صرايات قمة في الروعة اكان نحنا ما استمتعنا بيها اهلنا وجدودنا شافوها وبرطعوا فيها وشافوا وشهدوا نظام تاني مابلقو اها انا مشيت ونزلت في بريطانيا ولبست جلابية ومركب نمري ناس مطار هيثرو كلهم يعانو فيه وسالوني قالو لي ده جبتو من وين قلته ليهم جبتو من هجليج اووه تايقر اي تايقر عديل كده وعندي سكين ضراع من جلد تمساح كركدايل قلعوها من في المطار وقالو لي لمن ترجع بنديك ليها قصد ت القصر لقيت الصيوانات مدقوقة ومزروبة زربة والضيوف دي ما تديك الدرب العالم كلها هناك قلته في نفسي كده والله الجماعة ديل مجامليين خلاص اشي عرب اشي امريكان اشي افارقة اسويين وهلم جرا لكن انا قلته انمشي علي صيوانات الاكل الناس ديل انا لازم اقيف معاهم وقفة رجال اكفي ضيفانن ديل الناس ديل ما شوية دخلت صيوان الاكل لقيت الخواجيات ديل اقطعن في الخضار قبلت علي خواجة عجوز كده قلت ليه التلج المشي ليه منو المهم قال لي كلام كده مافهمتو لكن عرفته انو في بكسي مخصصنو للتلج وقلته ليه لازم شفع الخواجات الحايمين في الصيوانات ديل املو الترامس مويه فل ما يخلو تيرمس فاضي قاللي اوكي – صفقت ايديه يا نسوان هوي ما القي لي واحدة قاعدة ساي الفطور ده لازم اطلع بدري في وزراء وبعثات دبلوماسية خاصة العرب كبار من سنة دو الواحد قاعد في وظيفة 30 سنة وما بحمل الجوع ماشايفن رؤسانا ديل الوحد 50سنه قاعد في قلب شعبه ومال الانتفاضات ده سببها شنو طبعا كلامي ده بالانجليزي شبت لي واحدة قالت لي فطور ام العروس جاي من اسكتنلدا بي 50دفار والاكل ده ماسكاه هيلاري كلنتون امشي ليها قلته ليها بمشي اكان كلينتون ذاتو بمشي ليه وينها هيلاري دي – هديك في اخر الصيوان داك – تلبت الحلل لمن وصلتها ليها من ما شافتني مرقت بي تحت الصيوان بس جوني اتنين معضلين وقفوا قدامي –قلته ليهم انا ما عندي معاها مشكلة انا جاي اكفي الضيفان ديل ومعزوم ذيكم وليم بعرفني بعرف جدودي انا ود المهدي انا ود عثمان دقنه هع انا ود النجومي وعلي الطلاق هي جارية مني عشان شغالة فينا سف وقرش نحنا السودانين حرم مابهمنا زول انا ماني داير منها حاجة بس تجهز الفطور ده بدري-اه الجماعة ديل قويين خلاص دفروني لمن جيت في اول الصيوان مرقت زعلان واقف زنباره – الخواجات المابعرفوا العرض ديل – قبلت كده لقيت لي خواجيتين اقطعن في كيت – ها انت قايله شنو لقاها في انداية سعد الغافلات – الله رضيان عليها والله قالو ليك من حلة عرب ساي ملانة حشرات وضبان – جوطته ليك فيهن –شدن الشاي ده وغسلن الكباي ديل وتمرنهن مالكن ومالها الانداية غريبة عليكن كلن بتاعت اندايات كان ربنا اداها وبقت اميرة دايرت تحسدنها – قومن علي حيلكن تقوم قيامتكن – انخلعن مني وقعدن يغسلن في الكبابي واحدة قالت ليها ده جاي من وين ده بس, مرقت زعلان مشيت افتش لي وليم اخل من باب لي باب لقيت لي شافع كده قلته ليه انت ود منو اجني قالي لي انا ود فيلب اليزابث حبوبتي قلت ليه عارف لي وليم وين قال لي ما عارفه لكن حبوبتي قاعده في الغرفه ديك – مشيت علي الغرفه – نسوان يغسلن في صحانه بره في - خشيت عليها – سلام حاجة اليزابث مبروك علي وليام انشاء بيت مال وعيال والله كنا جايين مجموعة لكن انت عارف الظروف الناس عيانين الفي المستشفي في المستشفي والفي الخلا في الخلا والسنة الناس ناويين علي القطن السنه دي قنطاره بقي بي الشي الفلاني – سلمت علي وقالت لي احي علي القطن واحي علي مشروع الجزيرة واحي علي وليم امه الما حضرت جديدو وانفقعت بكاء انا انفقعت معاها وكل يبكي علي ليلاه – يا حاجة استغفري استغفري – قشت دموعها بي طرف توبها – وقالت لي ياولدي وليم وقع وقعت السواد ده نسب – خالها تاجر مخدرات وخالتها رقاصة - والفطور الجايباه امها 10 دفارت بس نحنا دافعين 30 مليون دولار للفطور بس – انا بلعت ريقي مرتين وقلتها ليها – يا حاجة السترة والفضحية متباريات – عليك الرسول كلامك ده ما تقوليه وانتو عندكم ضيفان - ماكملت كلامي تطلع واحدة من الكانن بغسلن في الصحانة – وغارت في حاجة اليزابث - هوي يا حاجة احترمي كبرك ده يمين كيت بت العز لي حدو يمين ما جينا شحدناكم ولدك جري وراها وكان خالها تاجر مخدرات يمين المخدرات في قصرك ده والفطور الجباه ليكم يمين الدول الاسكندانافيه كلها تتكلم بيه – انا وقفت بين النسوان واسوي ليهم كفي كفي –الديوان الجنبكم ده في ضيوف – خلاص امره خلاص اقصري كلامك ده والمره كبيرة وعندها سكري وضغط انت ما عندي وليان اهدوك –المهم اتناضمن زين – اه المره دفرتها مرقت – قبلت علي اليزابث وقلت ليها دي مني دي – دي واحدة بايرة من اهل ام سويقات دي –قلته ليها كدي خلينا وليم وين والله فيلب الوضع ده انا مو عاجبني اول حاجة الوزراء الافارقة ديل لسه ما فطروا والعرب ديل قالوا عايزين كبسه البيتزا دي مابتنفع معاهم وما عايزين جبنه دانماركية - اليزابث قالت لي –وليم مشي للمفعوصة دي في الكوفير –وفيليب معاهو البابا بتاع الفاتيكان – وانا يمين اهل العروس الشايلين الفطور ما امرق عليهم – والعرب ديل قوليهم نحنا البتزا دي صوتنا عليها كل الشعب – قول ليهم- انتو اصلكم مابتتغيروا – اهي في اللحظة ديك المره بتاعت الشكله المعاها ذكرتها نيشه حارة ونبذه بس جات داخله – اسمعي اكان انت بتنبذي اهل كيت وليم ده امه ماتت وين وسببها شنو – بس انا اقوم ليك عليها يابت الله يلعنك والعن الجابوك ده كلام تقوليها ماعندك ادب – بس في اللحظة ديل اشوفك ليك اليزابث قايمه من سريرها وشايلها شبشبها الكعب العالي وتعاين للمره وفووووووووووووووووو فكته بالشبشب الشبشب يجلي من المره ويجيني انا في نص راسي تسمع كع اتلب من السرير القي روحي في الواطه حسبي الله – الصلاة خير من النووووووووووووووووووووووووم الله اكبر الله اكبر لا الله الا الله ,

descriptionعرس كيت  Emptyرد: عرس كيت

more_horiz
.. ابن العم المبدع اسامة ..اولا والله نورت المنتدي ونقول بعد السنين المرة ديك يادوب العيون سهرن هجد
تاني حاجة والله زعلانين منك شديد واتلومت لوم كبير لانو مفروض تعزم معاك اولاد عمك عشان يمشو معاك مايقولوا الزول ده هامل..
وماكلمتنا ختيت كم؟ والكراس الماسكو منو؟ والصينيه فيها كم عشرة عشرة ولا اقل؟
وتالت حاجه حاجة اليزابث دي النسوان الكبار البشربن القهوة معاها برضو ملكات ولاعنقاليات ساكت؟ وبعدين المرة العملت الشكله مع حاجة اليزابث دي عينها قويه شديد انت مفروض تكفتها لانو لما اتكلمت في ام وليام يعني المرحومة ديانا انت ماعارف انو الزول ودمحمد الفائد ده قريبنا؟ كيف تتكلم في ود عمنا بالطريقة دي؟ والله دي قلة ادب مابعدها قلة ادب.. وبعدين قولي حضرت رقيص العروس ولا لا؟ وهل عندهم سيرة وفي جماعة بجوا يعرضو؟ بعدين زي شفتك شايل وليام فووووق قدام السيرة ..عافي منك ياود عمي ماقصرت تب..بس ان شاء الله يكون فيهم فائدة وقدموك وصولوك المطار...

descriptionعرس كيت  Emptyرد: عرس كيت

more_horiz
اشكرك ابن عمو علي المرور والله انت المنتدي وانا كنت مواصل الموضوع طويل اكان ما الشبشب الجاني ده الحكاية دي نمرة واحد لكن الباقي جاي

descriptionعرس كيت  Emptyرد: عرس كيت

more_horiz
والله ماقصرت تب ياود العم وفيت وكفيت قمت بالواجب حق بلدك جلابية وتوب وعمة وصديدري وسروال ومركوب وسيف وسكين دقيت الصيوان وكفيت النسوان وفرحت الحبان ورفعت راس السودان وحيرت الانجليز والامريكان .
ولك تحياتي وشوقي كمان

descriptionعرس كيت  Emptyرد: عرس كيت

more_horiz
عزيزنا اسامة اولا حمد لله ليك بالسلامة الرجعت لينا سالم من بلاد الخواجات العرس ماضربوا فيه بنادق ولا دقوا ليهو نوبة وطار وماسمعنا الزغاريد والناس ماتكفوا الجوعة اخدتهم اكان مانت اتوصيت بالشاى والقهوة اكان الناس وقعوا عديل وماقصرت ورفعت راسنا ومثلت الاشراف اولاد عسيل لانه على راى محمد موس اولاد بريط اولاد عمنا ونلتقى دوما فى الافراح والليالى الملاح

descriptionعرس كيت  Emptyرد: عرس كيت

more_horiz
عزيزي اسامة احيك على طريقة لتحويل عرس بريطاني انجليزي استقراطي لعرس سوداني جميل شعبي ولكنه كله
حب و ولفة و احترام و تقدير هذا الفرق بين اعراسنا و اعراسهم هم بالمظاهر الخداعة و التكاليف المبالغ بها
ونحن بابسط الاشياء و احببها اختلافنا اننا قلوبنا لا تحمل بغضا ولا كره لاتحمل سوا الحب و الولفة
وقلوبهم مليئة بالسواد و الكره و البغضة كل منهم يحمل سيف خلف ظهره وكل منا يحمل وردة خلف ظهره

لكن اسمح لي ان اقول لك قد ظلمتا عاداتنا و تقاليدنا بسردها لعرس شعب لايملك سوى الجبروت و الطغيان

ولك كل ودي وتقديري
ملاك محمد قسم السيد

descriptionعرس كيت  Emptyرد: عرس كيت

more_horiz
الحمد لله الما مسكت فيك اليزابث وقالت ليك الا تعرسني .............
privacy_tip صلاحيات هذا المنتدى:
لاتستطيع الرد على المواضيع في هذا المنتدى
power_settings_newقم بتسجيل الدخول للرد