منتديات السديرة
أنت غير مسجل لدينا . للتسجيل اضغط على زر التسجيل
منتديات السديرة


 
الرئيسيةالرئيسية  المنتدياتالمنتديات  مكتبة الصورمكتبة الصور  الفيديو  س .و .جس .و .ج  بحـثبحـث  التسجيلالتسجيل  المجموعاتالمجموعات  دخول  

شاطر | 
 

 ماتعرس من ديل لو خليت العرس

اذهب الى الأسفل 
كاتب الموضوعرسالة
wallidabed


avatar

عدد المشاركات : 178
العمر : 33
الجنــس :
الدولـــة :
المهنــة :
الهوايـة :
مزاجي :
نقاط : 6104
السٌّمعَة : 7

مُساهمةموضوع: ماتعرس من ديل لو خليت العرس   الإثنين سبتمبر 13, 2010 10:07 pm

بسم الله الرحمن الرحيم


ما تعرس من ديل لو خليت العرس

إن بقيت بخيت ربنا يديك مرا هدية ورضية...السماحة ماضروري لأنو بعد شوية ما حتكون سمحة...حتكون عادية..نصيحة ليك النسوان البقولن ليك ديل أوعك تعرس منهن واحدة!!]

1/الفنانة والحنانة والحردانة:

أ/الفنانة:
دى حتمرق معاها وتقعد تحوم في الحفلات وتشوف ليك كرسي قداااام تقعد فيهو شايل عكازك وسكينك في ضراعك وعينك عليها إن راجل بشر ساكت تتحنفش وتقوم إلا يهجروك إتنين مانعين علي الكرسي وتجوا نُص الليل راجعين أهلكم والنهار كلو نايمين...

ب/الحنانة:
طول النهار بره البيت تحنن في نسوان الرجال وهي كرعيها يكون ماشافن الحنة من سنة ستة والنهار كلو أنت تحاحي في الشفع مايلمسوا الصبغة...

ت/الحردانة:
دي حتكرهك حياتك!!! أقل كلمة تلفح توبها وتجري بيت أبوها وتلحقها إنت وتلقي أبوها...تقعد في طرف العنقريب تطقطق في أصابعيك ومدنقر في الواطة داير تراضيها وترجع البيت...أحسن حل إنكم تسكنوا مع ناس أبوها أو تجيبوا ناس أبوها يسكنوا عندكم عشان توفر المشاوير والجري..

2/ المدرسة والمدبرسة والمفلسة:

أ/ المدرسة:
أول حاجة دى ما بتقدر تفرق بينك وبين الطلبة !!! وحتقعد تعيد وتكرر في الكلام مليون مرة وما بعيد في الأخر تقول ليك فاهم ياشااااااطر...

ب/ المدبرسة:
تلقاها طول النهار زهجانة وأخلاقها في طرف نخرتها ولو كلكلتها ماتضحك..في النهاية دى حتوديك التيجاني الماحي نزيل اكتئاب...
ت/ المفلسة:
دىمادايرة أي شرح!!!


3/النوامة والحوامة واللوامة:

أ/ النوامة:
تجي من الشغل نص النهار زهجان تلقاها تانية المخدة وخاتة أيدها تحتها وتشخر وريالتها سايلة وحالتها بالبلا تكرهك اليوم الفكرت فيهو تعرس...

ب/ الحوامة:
طول اليوم فوق كرعيها زي عربة الوساخة لايصة الحلة من بيت لي بيت وتدخل البيت قبل رجوعك من الشغل بي خمسة دقائق تجري تولع النار وتديك القطر قام وأول ماينتهي الغداء تدخل في سفنجتها إستعدادا لجولة جديدة...

ت/ اللوامة:
دا نوع مزعج جداً لو جبت سيرة أخوك ساااااااكت تفتح فيهو:
الله يسألني سنتنا ديك وكت إنت سافرت وخليتنا بلا قروش وسافرت يدخل علينا ويمرق مدلدل إيديهو ولاكيس موز ساكت ماجابو لينا...والعجب أمك ....هييييييييييي والله أمك دي أصلها مابتريدني ومن تشوفني تنطلق فيها النيران وتمد قدومها...

4/ البوبارةوالكوبارةوالخبارة:

أ/البوبارة :
دي تحملك فوق طاقتك وتشريك الما بنشري ولو جوكم ضيوف في البيت تجري علي علبة الدهب وتتعنكش كلها وتقعد تنضم بي إيديها وكرعيها ورقبتها وأضنيها عشان توري الناس الدهب...

ب/ الكوبارة:
دى تكبر ليك أي موضوع وتسوي ليهو توم وشمار وتقول ليك
(ناس القبور دقوا الطنبور) ولو شافع من شفعك عتر ووقع!!! هيييييييييي
تخُت إيديها في نص رأسها وتصرخ وووووووووب علي ووووووووووب علي الولد ماااات والمصيبة لو كنت نايم وسمعتها تقوم مخلوع وتمرق من الأوضة جري ولو كان عندك قلب تمرق من المهد إلي اللحد طوالي...

ت/ الخبارة!!!:
دي بتحب الخبارات والشمارات زي عيونها ولو في نضم تلقاها سكتت الشفع عشان تسمع الجيران!!! مالهم بيهرجوا وصوتهم عالي ولو كانت بتكوي ليك في قميص ولاجلابية قطع شك حيكون أو تكون من أعداد ضحايا مصنع الشفاء وممكن الملاح يحرق الجردل يكون تحت الماسورة يتملي ويغرق البيت وحرمكم المصون واقفة فاتحة خشمها زي التمساح في نص الليل تتصنت علي الجيران.

5/ الممحوقة والمطلوقةواللايوقة:

أ/ الممحوقة:
دى لوجبت ليها دكان كاااااامل ختيتو في البيت تكملو في يومين..
ب/ المطلوقة:
واضحة وضوح الشمس في السوق العربي و مادايرة أي شرح
ت/ اللايوقة:
دىحكايتها تانية!!! تمسك في موضوع يحلك منو الجليل الرحيم
يادا....هوووووي...الليلة يايمة طرشتَ؟؟؟....وقدُر ماتطنش أنت هي تزيد إصرار وممكن لو عدمت الحيلة تجي جنبك وتخجك خجة جااااااااامدة عشان تنتبه للنقة...
الرجوع الى أعلى الصفحة اذهب الى الأسفل
محمد قسم السيد حمد
مشرف
avatar

عدد المشاركات : 804
العمر : 62
الجنــس :
الدولـــة :
المهنــة :
الهوايـة :
نقاط : 7959
السٌّمعَة : 12

مُساهمةموضوع: رد: ماتعرس من ديل لو خليت العرس   الثلاثاء سبتمبر 14, 2010 5:25 am

الحمد لله العرسنا بدرى ولا كنا ملبنعرس للابد و ناس البت لود عمها وين موقعهم من الاعراب
الرجوع الى أعلى الصفحة اذهب الى الأسفل
wellyee

avatar

عدد المشاركات : 2110
العمر : 26
الجنــس :
الدولـــة :
المهنــة :
الهوايـة :
مزاجي :
نقاط : 8777
السٌّمعَة : 16

مُساهمةموضوع: رد: ماتعرس من ديل لو خليت العرس   الثلاثاء سبتمبر 14, 2010 7:27 am

دي حالة صعبة شديد
الرجوع الى أعلى الصفحة اذهب الى الأسفل
http://forum.sidaira.com
wallidabed


avatar

عدد المشاركات : 178
العمر : 33
الجنــس :
الدولـــة :
المهنــة :
الهوايـة :
مزاجي :
نقاط : 6104
السٌّمعَة : 7

مُساهمةموضوع: رد: ماتعرس من ديل لو خليت العرس   الثلاثاء سبتمبر 14, 2010 1:43 pm

مشكورين الاخوة محمد قسم السيد
ووليد علي المرور
وكل سنة وانتم طيبين
ولكم ودي
الرجوع الى أعلى الصفحة اذهب الى الأسفل
 
ماتعرس من ديل لو خليت العرس
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات السديرة :: الأقسام العامة :: المنتدى العام-
انتقل الى: