منتديات السديرة
أنت غير مسجل لدينا . للتسجيل اضغط على زر التسجيل


منتديات السديرة
أنت غير مسجل لدينا . للتسجيل اضغط على زر التسجيل

منتديات السديرة
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات السديرةدخول

descriptionرادار في السديرة Emptyرادار في السديرة

more_horiz
[size=12]كانت هنالك دورة محليه لكرة القدم بالسديرة ،ومن ضمن فرق تلك الدورة فريق الاخوة الذي كان يشرف عليه الاخ سعدالدين الامين وكان معظم المشجعين يتعاطفون مع هذا الفريق وذلك حبا في الشخصية اللذيذه والظريفه وهو سعد الدين ، بالرغم من المستوي الفني المتواضع للفريق وكان سعد الدين هو الكل في الكل. ، ومن ضمن لاعبي الفريق الاخ عبد الرحمن المبارك او عبد الرحمن ود الازيرق كما يحلو لناس السديره هذا الاسم ،المهم في الامر ان عبد الرحمن كان يلعب مدافعا بالفريق بامر من الكابتن سعد الدين وكان يريد ان يلعب مهاجما ولكن الكابتن رفض ذلك ،فذات مرة احتال عبد الرحمن علي سعد الدين وقال له : البارح جدي أبو شمال حلمني وقالي بتجيب ليك قون ،بمعني لازم العب مهاجم ، ففهم سعد الدين مايرمي اليه عبد الرحمن، فقال له :جدك ابو شمال قاليك لو لعبت وري مابتجيب القون؟؟

[size=12]سبب الرميه دي كلها علي قول البوني ، هي انني حلمت قل يومين ، وقبل ما احكي ليكم ماحلمت به ، الانسان دائما بحلم في حالتين ،اما ان يكون خائفا من شي فيحلم به ، أو كان يتمني شي لم يستطع تحقيقه فيظل يحلم به فالامرين كانا ينطبقان علي، يعني في الحالتين انا ضائع ، فحلمتي كانت كالاتي : واصدقكم القول انها كانت حقيقيه..حلمت اني كنت اقود عربة في شوارع السديرة وفي احدي التقاطعات تجاوزت اشارة حمراء ، وكنت غير منتبه لذلك ، فما كان من الرادار المنصوب عند التقاطع الا ان التقط صورة للعربه التي كنت اقودها ، والتقاطع هذا اعرف مكانه جيدا، في فريق قدام ، وبعد ان علمت بالامر رجعت اتفحص التقاطع فوجدت كاميرا منصوبه عنده واصابتني الحسرة والندم علي عدم التركيز في القيادة ، لغاية هنا الحلمة انتهت، وكما ذكرت لكم اي شي ييخطر ببالك بالنهار يمكن ان تحلم به ، فحلمي هذا لم ينتج عن فراغ،فهناك اسباب كانت وراءه، أولا دائما كنت كثير الشك عندما اكون قئدا لاي عربه فتساورني كثير من الظنون بعد ان اكون قد خلصت المشوار، ان هناك رادارا ضربني ،وبالتالي يترتب علي هذا الشك ان يكون هناك احتمالا لدفع كنجالات، لذلك الهم يظل ملازمك لدفع هذه الكنجالات ، والسبب الاخر الذي ادي لعملية الحلم كان ان قرات بالنهار في جريدة الراي العام السودانيه ان ادارة المرور عندنا في السودان بصدد تركيب كمية من الرادارات في معظم الشوارع ، ولكن اعتقد انهم كانوا يقصدون ولاية الخرطوم ، يعني ما اظن السديرة يكون لها نصيب من تلك الرادارات، اعتقد ان هذه الاسباب كانت مصدر الحلم ، وبعد كده اذا كان هناك سبب اوتفسير آخر للحلمة دي وروني، افتوني في رؤياي ان كنتم للرويا تعبرون ،وان كانت بتاعني أنا حلم مارؤيا وهنالك فرق ، فسالوا اهل الذكر ان كنتم لاتعلمون، الشاهد في القصه دي انني وطوال فترة حياتي بحلم بان تكون السديرة مخططه وبها شوارع اسفلت داخلية، لكن لم يخطر علي بالي تكون بها اشارات مرور ورادارات وحاجات زي دي..نتمني من الله العلي القدير ان تصبح السديرة بهذه المواصفات ،علي فكرة ومن هنا بطالب كل اهل السديرة ان يولوا الاهتمام لامر في غاية الاهمية وهو فتح الشوارع وتنظيمها ، فقد عانت السديرة في الفترة الاخيرة من مشكلات الشوارع خاصة داخل المنطقة ، نتمني من القائمين علي الامر الاهتمام بتلك المعضله لان الامر لايحتمل، كما نرجو من الجميع التعاون في حل تلك المشكلة..


رايكم شنو ياجماعة في الحلمة دي؟؟
[/size][/size]

descriptionرادار في السديرة Emptyرد: رادار في السديرة

more_horiz
وانا اضم صوتى الى اقتراحك ياحسيب التخطيط ثم التخطيط وفتح الشوارع اما عن حلمك ليش لا اذا قبل كده انت وسمير وزير دفاعك طعنتوا فى نية مسز رايس الاستعمارية وتواطؤها على مصلحة القرية لو لا تدخل ود الشيخ كنا رحنا فى الارجل وبعدين تحلم بدون ماتكلم الشمالى وتجيب اسم جده ابوشمال

descriptionرادار في السديرة Emptyرد: رادار في السديرة

more_horiz
الظاهر عليك يا حسيب اخوي نمت وما اتغطيت كويس كااااااااك والتقسير التاني الظاهر عليك دفع الكنجالات بعمل ليك وجع نخاشيش في الجيوب الانفية وده زرع في اعماقك النفساوية خوفة ورهبة وده قد يكون تفسير تاني كااااااك اكن علي الارجح تاثير الخبر بتاع الراي العام اختزلوا في عقلك الباطن بالانهار وعملت ليهو تفريق وتنزيل بالليل وتاني كااااااك ,قلت لي جدي ابوشمال قال ليهو بتجيب قووون ! اها جاب القوون ولا لا ؟

جدعة
كاااااااااااك دي ماركة سجلتها قريب كاااااك من كتر ما اكلنا جداد

descriptionرادار في السديرة Emptyرد: رادار في السديرة

more_horiz
الاخ حسبو حملك جميل انشاء الله يتحقق بشوارع كبيرة من غير(استوب) حتي وضابط مرور,بس نتفق ونتوحد عندها حلمك القادم حايكون مطار دولي جوار جنينة ود المختار

descriptionرادار في السديرة Emptyرد: رادار في السديرة

more_horiz
اولا الف مرحب بالاخ شطحة وحلم حسبو الجاى مطار دولى جنب جنينة ود المختار يازول يعنى يابختنا نحن ناس ود خايرين وابعشرين 11 وكمبو شيخ الحلة ويالريح ماعندك حظ بنيت جوة الحلة وملمرقت وشميت ريحة ودخايريين

descriptionرادار في السديرة Emptyرد: رادار في السديرة

more_horiz
محمد قسم السيد حمد كتب:
وانا اضم صوتى الى اقتراحك ياحسيب التخطيط ثم التخطيط وفتح الشوارع اما عن حلمك ليش لا اذا قبل كده انت وسمير وزير دفاعك طعنتوا فى نية مسز رايس الاستعمارية وتواطؤها على مصلحة القرية لو لا تدخل ود الشيخ كنا رحنا فى الارجل وبعدين تحلم بدون ماتكلم الشمالى وتجيب اسم جده ابوشمال

لازعيم ود قاسم تحياتي..
اولا يجب ان تعلم ان جل احلامنا وتمنياتنا قد صدقت ، فحين اشرنا هنا وتنبانا بسقوط جو ماكين امام ابن عمنا اوباما (لكن للاسف طلع خائب) كنا بالفعل نحيك الدسائس ضد رايس (الله لاعادا وعاد يوما) والحمد لله تكللت مساعينا بالنجاح...ولنضم ايادنا مع بعض ونقود حملة فتح الشوارع حتي تكون الشوارع سالكه ولو بالمستقبل جات اشارات ورادارات تكون الحكايه حلا وحمار..
اشكرك علي المرور ياعزيز..

descriptionرادار في السديرة Emptyرد: رادار في السديرة

more_horiz
حسيب سلام يلا نحلم بغد مشرق ومستقبل زاهى قرية مخططة ومياه بيارة جديدة حلوة ومستوصف فعال ومدارس نظيفة ومرتبة وجزارات مقفولة والبهلوا وشال اهلوا وخضروات معروضة بطريقة صحية ومجنونة ياغوطة وحلا وحمار وجابوا بالطيارة ونبيعوا بالخسارة ومساجد نظيفة وجيل واعى ولا قصبة ولا كمبوا عشوائى ولا ولا ولا ولا و و و و ونلتقى

descriptionرادار في السديرة Emptyرد: رادار في السديرة

more_horiz
الشمالي كتب:
الظاهر عليك يا حسيب اخوي نمت وما اتغطيت كويس كااااااااك والتقسير التاني الظاهر عليك دفع الكنجالات بعمل ليك وجع نخاشيش في الجيوب الانفية وده زرع في اعماقك النفساوية خوفة ورهبة وده قد يكون تفسير تاني كااااااك اكن علي الارجح تاثير الخبر بتاع الراي العام اختزلوا في عقلك الباطن بالانهار وعملت ليهو تفريق وتنزيل بالليل وتاني كااااااك ,قلت لي جدي ابوشمال قال ليهو بتجيب قووون ! اها جاب القوون ولا لا ؟

جدعة
كاااااااااااك دي ماركة سجلتها قريب كاااااك من كتر ما اكلنا جداد

الشمالي يكفينا الله شر الكااااااااااااك دي..وبمنابة التفريغ والتنزيل دي..البفرغوه كتير وفيهو حاجات تضحك لما تصحي الصباح وتذكر الباررح الفرغتو شنو...وتاني حاجه جدنا ابو شمال ده والله مفروض يكون في لجنة لها حقوق اثبات ونفي كل من يدعي انه حلم به..وعشان يثبت حلمه هذا صحيح ولا لا....وياريت يالشمالي تحكي لينا واحده من حكايات التفريغ والتنزيل دي ولو خجلان منها اعملها لي في رساله خاصه وساعتها بقوليك كاااااااااااك...
تحياتي لك..

descriptionرادار في السديرة Emptyرد: رادار في السديرة

more_horiz
وانا كمان حلمت بمطار في القوز ......ومكان السيحة ديك عملو فيها مول كبير يقبل الكاش والكريديت كارد ....والناس ماشيين علي الحواشات راكبين اللكزز والب ام دبليو .كع ععععع الجاك .....لكني انا محتار في الحواشات البمشو ليها بالعربات دي زارعين فيه شنوووووووووو.
يا عدنان اصحي هوووووووووي الحمار رمي السرج وفااااااااات

descriptionرادار في السديرة Emptyرد: رادار في السديرة

more_horiz
وانا كمان حلمت بمطار في القوز ......ومكان السيحة ديك عملو فيها مول كبير يقبل الكاش والكريديت كارد ....والناس ماشيين علي الحواشات راكبين اللكزز والب ام دبليو .كع ععععع الجاك .....لكني انا محتار في الحواشات البمشو ليها بالعربات دي زارعين فيه شنوووووووووو.
يا عدنان اصحي هوووووووووي الحمار رمي السرج وفااااااااات

descriptionرادار في السديرة Emptyرد: رادار في السديرة

more_horiz
الاخ شطحه تحياتي لك ويارب يكون هناك شوارع لكت باستوب حتي لاتفعل بنا الحوادث ما لايحمد عقباه..، وانت عارف ناس السديره بجروا شديد حتي في الدقداق..ونقول يارب استر...
الحبيب الغالي ود العبد..نقوليك عاد الحبيب فاهدي لكل قلب سلامه...اهدي العيون بريقا اهدي الثغور ابتساما..
مرحبابعودتك للمنتدي.. وبنقوليك والله مشتاقين طال علينا فراقكم ياحلوين..وبخصوص حلمك ..بالغت عديل في المطار والكريدت كارد ومالو انشاء الله كلو يتحقق..وانا بقول خليهو ياعديله ينوم النومه بتنفعو..
تحياتي لك وللاولاد وان شاء الله دوما نشوفك متواجد في المنتدي..

descriptionرادار في السديرة Emptyرد: رادار في السديرة

more_horiz
أضغاث أحلامٍ وما نحن بتأول الأحلام بعالمين
نمت ورقبتك معووجة - وكرشك ملانة - ومهموم من الدوام

descriptionرادار في السديرة Emptyرد: رادار في السديرة

more_horiz
والله يا ود الشيخ دخلة حسيب خطره واستعمل فيها انواع الخبث المعهود
حقو نحلم بي مويه تكب في المواسير نص ساعه بس ونحلم طلابنا لمن يجو من المدرسه نضيفين ما متسخين جراء الجلوس علي الارض نحلم المركز الصحي يعمل ونكتفي من الذهاب للقري القريبه للعلاج
نحلم بحياة نضيفه وراحة بال تطال كل فرذ يسكن المعشوقه
ويا رب الفي مرادنا يتحقق
ولكم ودي

descriptionرادار في السديرة Emptyرد: رادار في السديرة

more_horiz
رمضان كريم علي الجميع...

قمة السعادة والمتعة تكتب في منتدي السديرة ويدخل عليك وود الشيخ وعاشق الديار ويقوموا يعلقوا كل واحد بطريقته المعهودة والمعروفه لدي جيدا....السبب لانو ربط بينا الكثير ودخلنا في مطبات وحاجات سوف نسردها في مكان اخر ، لانو ماعاوز اخرب حلمتي ،،،،ود الشيخ طلعني رقدت محدّر وكرشي ملانه..وهامي من الدوام..بالنسبه لخوف من الدوام والله دي صدق فيها ، والكرش المليانه ماقاعد اكل بالليل الا لما الجوعه تكون كافره شويه..اما الرقبه العوجه دي..ماعارفها والله..وياعاشق الديار حلمتنا برئيه..لكن اقوليك المره الجايه بحلم ليك بالمويه عندنا بالجمره الخبيثه وقالوا لي عما قريب ان شاء الله حتكون عندنا...وبعدين حقو اي زول يحلم بحاجه لازم يشعي لتحقيقها..ويلا احلمو كلكم.....

descriptionرادار في السديرة Emptyرد: رادار في السديرة

more_horiz
أخي حسيب
والله رجَّعتني لورا حينما كنا مثاليين في أحلامنا ويانعين في تفكيرنا , زمن كنا طلبة في الثانوي, كنا أنا والأخ بكري العبد نفرد أحلامنا الجميلة عن السديرة وماذا سنفعل لها حينما نكبر ونملك المال , وضعنا الخيال مخططاً لمعمار وتخطيط القرية بحيث بدا شكلها كمخطط لعبة الليدو , اربعة أحياء في الاركان الاربعة , تقسمها شوارع رئيسية جميلة واسعة حيث يوجد في المنتصف تماماً مربع به سوق ومستوصف وساحة لاحتفالات القرية , في المنتصف لكي تكون هذه الاشياء قريبة لكل الناس , كانت أحلاماً وردية لكن كل الإنجازات العلمية والصناعية كانت أحلاماً يوما ما
لك خالص ودي

descriptionرادار في السديرة Emptyرد: رادار في السديرة

more_horiz
حلم جميل ليتنا بدانا نخطط على ضوئه قريتنا الحبيبة حبيسة الماء مضيعة الصحة والسلامة مهضومة الحق فى التنمية والتطوير وفيها من اسباب الرقى مايكفى ويكفى انها السديرة

descriptionرادار في السديرة Emptyرد: رادار في السديرة

more_horiz
عاشق الديار كتب:
والله يا ود الشيخ دخلة حسيب خطره واستعمل فيها انواع الخبث المعهود
حقو نحلم بي مويه تكب في المواسير نص ساعه بس ونحلم طلابنا لمن يجو من المدرسه نضيفين ما متسخين جراء الجلوس علي الارض نحلم المركز الصحي يعمل ونكتفي من الذهاب للقري القريبه للعلاج
نحلم بحياة نضيفه وراحة بال تطال كل فرذ يسكن المعشوقه
ويا رب الفي مرادنا يتحقق
ولكم ودي




حقيقة يا عاشق الديار
نمد حلمنا قدر كرعينا
يا رب نشوف الناس مكتفية من موية وكهربا
ومدرسة ولقمة هنية من دون نكد

descriptionرادار في السديرة Emptyرد: رادار في السديرة

more_horiz
حسبو العوض كتب:
رمضان كريم علي الجميع...

قمة السعادة والمتعة تكتب في منتدي السديرة ويدخل عليك وود الشيخ وعاشق الديار ويقوموا يعلقوا كل واحد بطريقته المعهودة والمعروفه لدي جيدا....السبب لانو ربط بينا الكثير ودخلنا في مطبات وحاجات سوف نسردها في مكان اخر ، لانو ماعاوز اخرب حلمتي ،،،،ود الشيخ طلعني رقدت محدّر وكرشي ملانه..وهامي من الدوام..بالنسبه لخوف من الدوام والله دي صدق فيها ، والكرش المليانه ماقاعد اكل بالليل الا لما الجوعه تكون كافره شويه..اما الرقبه العوجه دي..ماعارفها والله..وياعاشق الديار حلمتنا برئيه..لكن اقوليك المره الجايه بحلم ليك بالمويه عندنا بالجمره الخبيثه وقالوا لي عما قريب ان شاء الله حتكون عندنا...وبعدين حقو اي زول يحلم بحاجه لازم يشعي لتحقيقها..ويلا احلمو كلكم.....



والله يا حسيب بمناسبة الموية بالجمرة الخبيثة أنا طرحتها اقتراح في الواقع قبل سنة في إجازتي الفاتت
وقلت ليه ما يتم تنسيق بين ناس الكهربا وناس الموية ويعملو نظام لسداد الموية مع الكهربا -يعني شوفو
طريقة لدمج الفاتورتين في واحدة

descriptionرادار في السديرة Emptyرد: رادار في السديرة

more_horiz
العزيز الغالي ود السيخ..
ابشرك حكاية الموية بالجمرة الخبيثة ان شاء الله سوف تكون واقعا وليست حلما وهذا الخبر علمت به قبل ايام حيث يجري الان العمل في البئر الجديدة وسوف تكون هناك شبكة حديثه بحيث يمكن تطبيق مسالة الجمرة الخبيثه عليها..وبالتالي سوف تكون الفكرة التي طرحتها واقعا ملموسا وقد عهدناك دوما صاحب افكار نيره ونتمني المزيد ياود الشيخ وياريت تكون الافكار مطروحه في هذا المنتدي حتي نحفظ لكل ذي حق حقه ولو ادبيا لانو ماح نذهب الي مسالة ملكيه فكريه وغيرها...ويارب تتحقق كل الامنيات والاحلام..

descriptionرادار في السديرة Emptyرد: رادار في السديرة

more_horiz
تعالوا نحلم فكرة جميلة واتمني ان تكون احلام زهرية نحلم بالمستقبل الاخضر اليانع
نحلم بان تتحقق احلامنا وامانينا نحلم بلمة في وسط الفريق نشرب الجبنة من امهاتنا في الصيفية
نحلم بان نترك الغربة للابدية ونعود لدارنا واهلنا سالمين
الاخوة الكرام اتمني ان تحقق جميع احلامكم وتبقي السديرة دبي السودان ولكن حلمي هو ان ارجع للسديرة بكل حلوها ومرها
صدقوني مشتاق للميدان بي مشاكلوا
مشتاق للجزارة بي وسخا دا
مشتاق لاطفالنا الغبش مشتاق لي ريحة البن لما يفوح في قلاقية والشفع يسفوا السكر ومشاكل اللجان الشعبية والله كل شى في السديرة جميل
privacy_tip صلاحيات هذا المنتدى:
لاتستطيع الرد على المواضيع في هذا المنتدى
power_settings_newقم بتسجيل الدخول للرد