في موضوع هنا في المنتدي اسمه دارفور بلد المهدي المنتظر وانا اطالع الموضوع والردود قريت عبارة نحن جند الله وجند الوطن000بالرغم من الكلمات معهودة وهي السلام الوطني السوداني او قول نشيد العلم حافظنو من زمن الروضة ، فاحت لي رائحة لم اجد لها تفسير غيراني اسميها الارهاب ، وبما ان الموضوع عادي جدا واتي في صياغ الحب للوطن والزود عنه لكن اصابني شي من الخوف والكبكبة0000وبعد مشاورات مع النفس وتفكير هنا وهناك كان الرجوع للسجل الشخصي لبعض الزملاء الذين اعرفهم في المنتدي هنا تعزز لي مفهوم الارهاب ، والارهاب ياجماعة خشم بيوت زي مابقولوا ، لكن ماعاوز الجماعة يقوموا علي ويقولوا الزول ده ماعندو غير المواضيع المرعبة زي السي اي اي وبن لادن والارهاب والحاجات دي000بس عاوزكم تطولوا لي بالكم شوية ماتقوموا تكفكفوا لي يديكم وكده يعني00
ارجع للارهاب خشم بيوت دي ،مثلا في ارهاب فكري وهذا النوع يمارسه اصحاب المذاهب والايدولوجيات بحيث يأتوا بالمبررات والحجج حتي يثبتوا للاخرين انهم هم الوحيدين علي الصواب والاخرين علي خطأ00مش ده ارهاب؟ كمان في نوع اخر من الارهاب وهو الارهاب الرياضي (في جماعة ح يقولوا لي اول مرة نسمع بارهاب رياضي) مفروض نسميهو تعصب رياضي ، لكن لا انا بقول ارهاب00اوريكم كيف0؟
مثلا في لعيبة الجمهور يطلق عليهم اسماء مخيفة للبشرية مثل شواطين والسحار00عليكم الله مش اسماء مخيفة؟ وديل لعيبة معروفين في السودان00وعندنا في السديرة عمنا ابراهيم ويس اطلق علي اللاعب يوسف ابراهيم القط لقب (حكومة) عشان عارف انو الحكومة بتخوف الناس00هسي عليكم الله منو المابخاف من الحكومة؟ ولو بتذكروا في وقت قريب جدا مباراة الهلال والاهلي المصري مشجعي الهلال عملوا نعش للحضري حارس الاهلي وخلوه يبلع في ريقو وو لجت مرماه 3 اهداف 00اذا مارسوا اسلوب ارهابي، كل هذا يؤكد لكم انو في ارهاب رياضي00اقتنعتو ولا لسه؟
ارجع للسجل الشخصي لاعضاء في المنتدي هنا (ماتنسو انو الاخ ود الشيخ قالي انت بتشتغل مع ناس الموساد) لقيت بعضهم شارك في عمليات ليلية فقد قاموا بتوزيع منشورات في الدكاكين بالليل00لكن كانت بتدعو للاصلاح ، ولكن بما انها كانت تمارس في الخفاء وبالليل اذا يمكن ان نطلق عليها عمليات ارهابية00وقبل فترة كنت مشترك في عمليات ممكن البعض يطلق عليها ارهابية فقد احتلت المدرسة الثانوية (بس ماهددنا الطلاب باي نوع من الاسلحةعدا اسلحة الطباشير) عندما حاول الارهابي الكبير مدير التعليم بالكاملين اغلاق المدرسة بحجة عدم اكتمال بعض المباني ، وده يمكن ان نطلق عليه لقب (رزية ونطاحة) وايضا احتلينا البيارة لما حاولت جماعة اللوبي الصهيوني اي جماعة توفير المياه بالكاملين اغلاق البيارة بحجة عدم تسديد الرسوم ، قمت ومعي شحص بكسر الشباك وتشغيل البيارة، واطلق علي الاخ علي ابراهيم لقب برويز مشرف لانو قام في تلك الايام بانقلاب عسكري في باكستان ،وقبل 5 يوم بالضبط قامت عملية ارهابية في السديرة مشابهة لذلك عندما جاء تقرير لجنة الخبراء (ياجماعة هذه اللجنة ليس لها علاقة بمشكلة ابيي وكده) كانت مهمتها تحديد ما اذا كانت المياه في السديرة صالحة ولا لا فقط00المهم توقفت البيارات والناس عطشت ، فقاموا ناس فريق حي المطار (ده حينا نحنا ياجماعة في السديرة ولو مغالطني في الاسم اسالوا محمد قسم السيد) بتشغيل البيارة وكانوا هم مجموعة من الشباب مصطحبين معهم الاسلحة البيضاء والنارية وهددوا اي واحد يقترب منهم او يعمل علي تعطيل البيارة(هذه الحادثة حقيقية والله) وبرضو تقولوا مافي ارهاب في السديرة؟
المهم الموضوع ماكمل بس انا ماش الصلاة لكن هو طويل وشائك بس عاوز الناس تديني رايها في الحاصل ده ارهاب ولا لا؟
ارجع للارهاب خشم بيوت دي ،مثلا في ارهاب فكري وهذا النوع يمارسه اصحاب المذاهب والايدولوجيات بحيث يأتوا بالمبررات والحجج حتي يثبتوا للاخرين انهم هم الوحيدين علي الصواب والاخرين علي خطأ00مش ده ارهاب؟ كمان في نوع اخر من الارهاب وهو الارهاب الرياضي (في جماعة ح يقولوا لي اول مرة نسمع بارهاب رياضي) مفروض نسميهو تعصب رياضي ، لكن لا انا بقول ارهاب00اوريكم كيف0؟
مثلا في لعيبة الجمهور يطلق عليهم اسماء مخيفة للبشرية مثل شواطين والسحار00عليكم الله مش اسماء مخيفة؟ وديل لعيبة معروفين في السودان00وعندنا في السديرة عمنا ابراهيم ويس اطلق علي اللاعب يوسف ابراهيم القط لقب (حكومة) عشان عارف انو الحكومة بتخوف الناس00هسي عليكم الله منو المابخاف من الحكومة؟ ولو بتذكروا في وقت قريب جدا مباراة الهلال والاهلي المصري مشجعي الهلال عملوا نعش للحضري حارس الاهلي وخلوه يبلع في ريقو وو لجت مرماه 3 اهداف 00اذا مارسوا اسلوب ارهابي، كل هذا يؤكد لكم انو في ارهاب رياضي00اقتنعتو ولا لسه؟
ارجع للسجل الشخصي لاعضاء في المنتدي هنا (ماتنسو انو الاخ ود الشيخ قالي انت بتشتغل مع ناس الموساد) لقيت بعضهم شارك في عمليات ليلية فقد قاموا بتوزيع منشورات في الدكاكين بالليل00لكن كانت بتدعو للاصلاح ، ولكن بما انها كانت تمارس في الخفاء وبالليل اذا يمكن ان نطلق عليها عمليات ارهابية00وقبل فترة كنت مشترك في عمليات ممكن البعض يطلق عليها ارهابية فقد احتلت المدرسة الثانوية (بس ماهددنا الطلاب باي نوع من الاسلحةعدا اسلحة الطباشير) عندما حاول الارهابي الكبير مدير التعليم بالكاملين اغلاق المدرسة بحجة عدم اكتمال بعض المباني ، وده يمكن ان نطلق عليه لقب (رزية ونطاحة) وايضا احتلينا البيارة لما حاولت جماعة اللوبي الصهيوني اي جماعة توفير المياه بالكاملين اغلاق البيارة بحجة عدم تسديد الرسوم ، قمت ومعي شحص بكسر الشباك وتشغيل البيارة، واطلق علي الاخ علي ابراهيم لقب برويز مشرف لانو قام في تلك الايام بانقلاب عسكري في باكستان ،وقبل 5 يوم بالضبط قامت عملية ارهابية في السديرة مشابهة لذلك عندما جاء تقرير لجنة الخبراء (ياجماعة هذه اللجنة ليس لها علاقة بمشكلة ابيي وكده) كانت مهمتها تحديد ما اذا كانت المياه في السديرة صالحة ولا لا فقط00المهم توقفت البيارات والناس عطشت ، فقاموا ناس فريق حي المطار (ده حينا نحنا ياجماعة في السديرة ولو مغالطني في الاسم اسالوا محمد قسم السيد) بتشغيل البيارة وكانوا هم مجموعة من الشباب مصطحبين معهم الاسلحة البيضاء والنارية وهددوا اي واحد يقترب منهم او يعمل علي تعطيل البيارة(هذه الحادثة حقيقية والله) وبرضو تقولوا مافي ارهاب في السديرة؟
المهم الموضوع ماكمل بس انا ماش الصلاة لكن هو طويل وشائك بس عاوز الناس تديني رايها في الحاصل ده ارهاب ولا لا؟