منتديات السديرة
أنت غير مسجل لدينا . للتسجيل اضغط على زر التسجيل


منتديات السديرة
أنت غير مسجل لدينا . للتسجيل اضغط على زر التسجيل

منتديات السديرة
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات السديرةدخول

مصطفى سيدأحمدxالوجدان

power_settings_newقم بتسجيل الدخول للرد
+2
ابوالزهور
عسيلاتي
6 مشترك

descriptionمصطفى سيدأحمدxالوجدان Emptyمصطفى سيدأحمدxالوجدان

more_horiz
رحل النهار بضوضائه .. وجاء المساء يرفـل فى عباءة هدوئه ونسماته الرقـيقة .. كنا أنا ومصطفى لوحدنا .. أدركت أن شهيته كانت مفـتوحة إلى آخرها للبوح .. كان يتحدث عن الحب .. لم أقاطعه .. تركته .. حتى يقـف عند نقطة مناسبة ... وقلت له:
الحب ماذا يعـنى لديك ؟
* ولازلت أذكـر نـبـرات صوته وهى ترن فى أذنى قائلاً: الحب يـقـترن فى داخلى باللون البنفسج .. فيه هدوء الأزرق وسخونة الأحمر... وبتعادلهما يصير دافـئاً.
وحتى لا يفـلت مناخ اللحظة منى قلت له : (غدّار دموعك )؟
إمـتـدت لحـظة مـن الصمت .. ســـرح فيها طويلاً .. حتى خـلته يتجاهل الإجابة على سؤالى .. وهى عادته فى مواجهة بعض الأسئلة ... إلاّ أن صوته إنتشــلنى من خيالى وهو يقول :
غـــــدّار كانت نـتـــاج تجربة واقعية ... عندما كانت العواطف يافعة .. فى زمان غير الزمان .. ومــكــان غــيـــر المكان .. إشـتعل الإحساس البكر مغالطاً لترتيب الواقع والمجتمع .. وخبأ ونحن نستوحـش السير بدونه ...
- قلت له : هــــذه إجابــة جميلة .. أنا أسأل عن تفاصيل تـفـسـير .. دون الخوض فى تفاصيل دقـيقـة؟
* أجابنى : تفاصيل ليسـت للنشـر .. غير ذلك لا ..
- قلت له فـليكن .. وحكى لى مصطفى التفاصيل ... وإختتمها قائلاً: أنا أحـترم أمانتك المهنية ... فأجبته : وأنـــا أحترم ثـقـتــك فىّ..... إذن حـدّثـنى عن ( ضياع العشم ) و ( الغصّة ) الذان وردا فى غدّار دموعك.
* أجـاب : ضـيـاع العـشــم هو إنطفاء شمعة المـستوحـش ... والغصّة لغةً .. هى ما يعـترض الحـلــق عــنــد الـفجـيــعة .. وإحساساً هى المفازة التى يمتد خـلفها الطريق المعبّد !

طفولة
- فى طفولتك .. هل كنت شقياً؟
* ويعود مصطفى بخياله إلى زمن البراءة ... والشـقـاوة ، ويقول ضاحكاً : نعم كنت شـقـياً .. بل حاد الطباع ، كثير الإنفعال .. وألتقـط كل ما يدور حـولى من معلومات من الكبار .. وأتمرد عليها عندما يحدث التناقـض .
- وفى دراستك .. هل كنت ذكياً؟
* لم أكــن أحـب الإسـتـذكار الكثـيـر .. بل لم أكن أحب المقررات المدرسية ، وكنت أهرب كثيراً منها للإطّلاع الخاص .
- نـقـطة ضعف .. ما هى ؟
* المجامـلة .. والإحساس بالزمن .. حيث يكون تافهاً عند البعض.
- ومصدر نفـورك ؟
* النفاق .. ونقـص القادرين على التمام .
- ومصدر خوفـك ؟
سـباق الزمن .. حيث أن الحـياة قـصيرة .
- متى فرح قلبك ؟
* حلمت البارحة بالجـدب إخضراراً .. وبالخواء إمتلاءاً... والإنكسار شـموخاً ... والفرح والصدق يلوّنان هذا المهرجان .
- هذه أفـراح الحـلم .. فأين أفــراح الواقع ؟
* يا صديقى .. تـتـداخـل أحـلامى مع واقـعى لأبـقى ..
- هل تشـعـر بالسـعادة .. ومـتى ؟
* السـعادة هى الرضاء .. والرضاء لا يـتوفـر فى الأزمـنة العجـفـاء .. بـل فى تـلك التى تمـتلىْ مشاركةً .. وتوافـقاً .. وإنسجاماً ..
- ما الذى يشعرك بالإضطّهاد ؟
* عندما أحس بأننى قادر ... وأشعر أن الآخرين يقـفون حائلاً بينى وبين إستطاعتى .
- هل صحيح أن الوعود ..أرخص هدية تـقـدّم فى الأزمات ؟
* أنا شخصياً لا أحب الربت على الكتف.
- قلت له : المرأة .. هل ملهمة عاطفة أم شريك وعقل ؟
* العاطفة والعقل هـما الإلهام الذى يفجره الإنسان .. رجلاً كان أم إمرأة ..
- المرأة أم الرجل .. أيهما أصدق فى الحب وأوفى ؟
* كلاهـما صادق إذا تـوفـر التوافـق والإنسـجام .
- وفى الكراهـية؟
* كلاهـما أيضاً أصـدق فى الكراهية .. حيث أنـهـما دائماً واتـر .. ومـوتـور ..
- هل توافـق عـلى أن وراء كـل رجـل عـظـيـم .. إمرأة تـعـذبـه ؟
* هـذا إذا كـان مـعـدن الرجل لا يـجـديـه الـطـرق الا ..وهو سـاخـن .
- سلاح المرأة مع الرجـل من وجهة نـظرك ؟
* هو الخيار الوحيد الذى تركه الرجل فى يدها ..
- وما هـو ؟
* السلاح الذى تستعمله !!
حـــــرمـــــــــان
- المرأة تـذبـل إذا فـقـدت الرجل .. الرجـل ماذا يحـدث له إذا حـرم من المرأة ؟
* يـجـف فيه نـبـض الإنسـانـيـة .. ويـصـيـبـه القحط العاطفى .. وخواء المشاعر .. ويتعاطى الحياة كما لو كان يسف نشارة الخـشـب .
- هل سبق أن شعرت بملل .. وأنت تـتـحـدث مع إمـرأة جـمـيـلـة ؟
* عـنـدما تـعـطـيـنى الإحسـاس بأننى أتحدث إلى دمـيـة فى إحـدى فـتريـنـات شـارع الجمهورية !!
- المـرأة المـثـقـفـة .. فى بـيـت الـزوجـيـة .. ماذا تـعـنى ؟
* تـعـنى إمـكانيـات إنـسجام عـالية إذا أقـر الطرفـان مبـدأ التوافـق .. وليس التطاول .. حيث يستحيل الأخير .
- متى تطلع الشعيرات البيضاء .. فلى قلبك ؟
* عنـدما يـتـضاءل إحساسى بالحب .. والحياة.
ـــــــــــــــــــــــــــــــــــــــــــ
وقبل أن تغادر شهيته المفتوحة للبوح - على آخرها - أدرت دفة الحوار إلى منحى آخر .. وقلت : من هم مماليك هذا العصر كما تعتقد ؟
* هم اؤلئك الذين حولوا مقدرة العطاء إلى الأخذ فقط .. وإمكانية المشاركة للإستغلال .. وأفرغوا مفردات اللغة من مضامينها ومحتواها .
- البطل .. الديمقراطى .. الفدائى ... كيف تراهم من وجهة نظرك ؟
* البطل هو أكثر الناس عطاءاً للناس ... الديمقراطى هو الذى إستطاع أن يعالج نفسه ويصححها من عيب وخطأ تربوى وتاريخى ... أما الفدائى فهو الذى ينكر ذاته حقيقةً.
- قلت له حدثنى عن معان تنبع فى دواخلك تجاه الجمال .. الغيرة .. الحقد .. الخيانة .. الأخلاق .
* الجمال فى شىء قليل عنه كتب هـيـغـل كتاباً ... الغيرة أشواك لثمرة طيبة .. الحقد إتساخ للداخل .. الخيانة ماقلته عن الحقد بإضافة حسابات مختلفة ... الأخلاق نداء يصيح فى دواخلنا ( تماسكى هذه الأشياء.... ما حان زمان التساقط ) !!
- الخطأ الذى لا يغتـفر فى وجهة نظر مصطفى .. ما هو ؟
* ما لا أستطيع أن أجد له موقعاً فى دائرة تسامحى

descriptionمصطفى سيدأحمدxالوجدان Emptyرد: مصطفى سيدأحمدxالوجدان

more_horiz
مصطفى سيدأحمدxالوجدان Mustafasiedahmed

descriptionمصطفى سيدأحمدxالوجدان Emptyرد: مصطفى سيدأحمدxالوجدان

more_horiz
هذه القصيدة للشاعر الشاب : عــاطف خيري

إقتراح
======
نكر صوتك صداك

غالطنى الزمن فيك

شهرت على الجفاف وعدك

بطاقاتنا الخريفية

رجع فاضى الكلام مليان

معاك إتبرجت غيمة

وشهق جوايا صوت جدول

مرقت على المطر .. حفيان

لقيتك والرزاز .. مدخل

وناديتك :

أقيفى معاى

نشيل كتف الغنا .. الميّل

ونتخيل

حلم دونك بيتحقق

وقبلك خيل دماى .. واقفة على شريانى .. تتشهق

وعرف صوتك .. صداك .. غنيتى

رشحت حلقك لى إذاعات الشجر

والمنتظر من عودة المدعو المطر

والمسادير .. والطنابير

واللسة فى رحم القصيد

والدابو حسّ فى سوق عكاظ

بين مزادات الحروف

غيبت رسمك .. وإحتكرتك لى الظروف

للزمان الجايى .. واللحظة اللى فاتت

.. منى هسة
.........
يا واقفة بين جرح السحاب

وبين شهقة الأرض البكر

ما كان ده ريد

كان إحتمال تغيير قوانين شهقتك

ما بين حديثنا .. ولحظة الفعل الحقيقى

وإنتباهك إنتى للشارع البيرجع تانى .. لى نقطة بدايتو

وإنحيازك إنتى للشارع البيرشح

فى مسام رملو التوقع

وما أنعرف قانون نهايتو

غايتو أمشى فى الدرب البطابق فيهو خطوك .. صوت حوافرك

يا فرس كل القبيلة .. تلجموا

يكسر قناعاتا ويفر .. يسكن مع البدو .. فى الخلا

ما يرضى غير الريح تجادلو

.. وتقنعوا
........
إفترضتك لون أساسى

يمنح اللوحة إزدواجية القراية

ويفتح الضو

بين خطوط الريشة ..

والخط الإضافى .. الجايى من شبكية الزول المشاهد

وإكتشفنا ــ الرسمك وأنا ــ برضو التوارد فى الخواطر

نفس أرقام التذاكر

البيها سافرنا وشهدنا

إنفجارك فى الأرض

يا سمرا يا واضحة

ما غنيت يوم جيتك .. صدفة

قبل أبداك كان غصنك .. بشـّر

يوم ما كان إحساسك مسرى

عرج غيمك فينى .. ومطّر

لحظة طار عصفور من صدرك

رتب فينا إحساس بالإلفة .. ودوزن عصب الزمن الأشتر

وإتوكلت عليكى .. وقلت

المارق منك داخل جرح الوردة وراسم فوقا غناوى الطل

المارق منك

رجع للغابات الزنج الهاربة

وللعتمور العرب العاربة

وأدى الكون مفتاح الحل

المارق منك

شادد عصب الورقة .. وحرفى

وراصد فى اللاّ وعى سكونو

مواعيد صحوه .. وحلمو ولونو

شارى يقينك فى ظنى

سارق لحظة إنى أفكر

المارق منك

مارق منك .. أو ..

منى !

descriptionمصطفى سيدأحمدxالوجدان Emptyرد: مصطفى سيدأحمدxالوجدان

more_horiz
*شهيق
=======
ما تتضارى ورا الدعوات

وما تتلبسى فرح الفات

بسكن فيك النغم الزايف

ويسرق حاسة شوفنا الواقفة على رجلين جوانا

نحن الهاوية .. والمتطامن من الأرض

آه من نحلك ساعة يرحل

ولمن يكتب فينا الحنضل

ويختم عمرو بفعل الشهد

قال الجدول :

طلوع النخلة .. مرور الريح .. واحد

لكن الريح بعانق حقل

ونحن بنطلع نخلة .. وننزل

ونكتب فى ذاكرة الصفق الأخضر

سجنا الريح فى الورق الأبيض

وجهناها ضد التمر الناعس

يسقط زى قبعة الحارس

زى الكان بيناتنا .. و فات

قالت غيمة :

".. بين قوسين غيمة لئيمة"

أولاد الشارع فهرس لى كل المدن

التهرس جوفك بالأسمنت

قالت ريح :

شوف الناس قنديل

لو ما نور يحرق كوخ .. وباقى الحلة تنور

أو جبة جوخ .. أو ينزل بوخ

يقول للنسمة الزايفة .. أقيفى

لو تتفرد ريح .. تتشرد ريح .. ريح الخوف

لو تتفرد ريح تبدا تفرتق ضفاير المدن الكاذبة

تعيد تسريحتك

ويوم سمايتك .. شكل قامتك

كيف تموتى .. وتحيى تانى

ويوم قيامتك .. هو البيدينا الثبات

يا مجلوبة فى قافلة رق

ما بستحمل صدرك رصاصة ظلم

يا صابت رحم الفال

يا قطعت حبل الحلم

يا كنا نبيعك .. يا نسرق

إخترنا النار .. الضلها يحرق

طمنـّاك إنو الدنيا بخشها ضو

يجرح جلد العتمة

دم الليل قربان فجرك

يا بت يا نيل

لو نامت قمحة على الأبيض .. وإتشرت زيو

وزاد الأبيض فى غيو

ومدد رجلو اليسرى

ما كان الكسرة .. جاتك من برة

صفرا .. ومنكسرة

زوجناك الشهدا وِلاد الكلب

الماتو عشان الشعب

زوجناك ما عندك ضرة

زوجناك ما جاتك ضرة

وما إنشاف ماعونك فى الحلة يساسق

ويلقى فتات

قال الأبيض لى الأزرق:

يبقى ضد الإنتباه

وضد تواريخ التمازج بينى .. بينك

البشوفك فى مراهقة الخرائط

وفينا من وجع المسافرين .. واطه .. ما لاقت هوية

رد الأزرق:

مطر الحبش لو كان نبش جواك سقف

أو هد حيلك فى الدواخل

وشدّ عصبك فى المداخل

صوت مراكبى

وإيد بتسأل فى القمح

وفينا من فرح المسافرين قصة الشمس .. القضية

يا أعشاب النيل الأبيض .. ما تتضارى ورا الدعوات

أقرا تاريخك .. وأخاف

أسأل جبين الفجر .. وألقى الفجر مطعون فى القفا

هل سافرت فى دمك المحقون رجا

حبة غضب

ما شلنا جمرك .. وإنطفا جوانا نارك .. والمطر

جايين بالكتابة .. وضربة الناس المهابة

لو هز نخلك باشبزق

ما غادرت تمرة السبيط

وما ساور الطورية شك

إنو الأرض أنثى .. وبتحمل بالحلال

مين اللى قال

إنو المسافة البينا بين الشمس طاقة

أو مياه النيل

بتدخل فى عروق السنبلة المسقية بى عرق الجعانين ..

والمساهرين بالبطاقة

أقرى تاريخك .. وأقيف

جواكى .. والزمن النضيف

جواى .. من جواك غضب

سلم مفاتيح السؤال

جيل الشمس .. موكب حريق

واقف على باب الدخول

بيناتو بينات الوصول ..

لحظة شهيق

descriptionمصطفى سيدأحمدxالوجدان Emptyرد: مصطفى سيدأحمدxالوجدان

more_horiz
عـــــــــاطــف خــيــــري
==================

أقراك مرّة صاح

عكس إحتشادك فى الحضور

هل غاب معاك وعى الطريق

.. أم بيكى زكـّانى الزمن

ماشيك .. وعارفك يا حريق ..

فى يوم غماماتك .. بجن

فرهد غيابك .. أغنيات

ظلت أراضى اللقيا بور

بلقاكى يا كل الطيور ..

مسجونة والحرية .. سور

وبلقاكى بيناتنا الثبات

وبيناتنا شمس البكرة فى لحظة .. مخاض

*******
طول الوجع رشـّح مواطن العافية .. فيك

خلانى أرجع وأبتديك

وأقراكى من كل الجهات

ومابين أقابلك .. ومشتهيك .. كان حلمك الأول

.. ترفْ

وكنتى الصبية الغايبة

فى زحمة حجا .. وكلمة شرف

كنتى الزوايا الميتة .. فى متحف خزف

كنتى الوصايا العشرة .. واللون الشحيح
*********
سميت مساحاتتك حكر

.. كل البيحلمو ا بى الشمس

هجـّرت من واقعك .. عبث

سكـّنت فيك ..ضد السكون

كل اللى كان ممكن .. يكون

وطارت ضفيرتك ليل غنا

جدلة صبُر .. وطولة نفس
*******
ومابين أقابلك وجيت عليك

كان عندى ليك بس نحنّ .. والجرح الثرى

وخيبة أمل أم الشهيد

فى الكلمة .. والوجه الجديد

وكان إحتقان نبض الزمن

نومة طفل .. فوق الدّمن

... يا صاحية بى الحاصل علىْ

يا نايمة عن فقرى البليد

سميت منافيك الوطن

.. صبحت مناحاتك ..

... نشيد

descriptionمصطفى سيدأحمدxالوجدان Emptyرد: مصطفى سيدأحمدxالوجدان

more_horiz
الدنيا ليل
غناء وشعر الراحل المقيم مصطفى سيد احمد
الدنيا ليل غربه ومطر
وطرف حزين وجع
تقاسيم الوتر
شرب الزمن فرح السنين
والباقي هداهو السفر
يا روح مناي الغربه ملت
من شقاي وغربتي
وبقيت براي لا غنوه
لا موال ابدد حسرتي
غير الدموع يا ملهمه
الغربه مره ومولمه
قولوا للنيل ضفه ضفه
والعشيات لما تصفى
والنيسمات البتاخد
من عفاف ريدنا عفه
انو شوقي بفيض بحر
شوقي شوق انسان مضيض
ضيعو الليل والسهر
لا ينابيع ريدي جفت
لا ولا اشواقي خفت
كل يوم في غربه
ذادت بيها كل الدنيا عرفت
الدنيا ليل غربه ومطر

descriptionمصطفى سيدأحمدxالوجدان Emptyرد: مصطفى سيدأحمدxالوجدان

more_horiz
أزهـــري محمــد علـــي
=================
أبداكى من وين .. وفينى منك لسة حاجات

من مخاوف ومن شجن

أبداكى من وين .. وظنى إنك

فكرة إعلان الحياة

وإنتهاءات العوارض والمحن

نفسى ألقاكى وأكون

أنا كلى من بعضك

أو .. بعضى من كلك بدن

وداير أبقاكى وأوحد دورة الدم

المقسمة بينى .. بينك .. والسحن
..........
أبداكى منى .. ولاّ منِّك

أبتديكى محل .. محل

من ياتو منفذ أدخلك

وكل المنافذ فيكى سدّاها النحل

من ياتو شارع أوصلك

وكل الدروب معطونة لى آخر الوحل

.. أستبيح كل الحواجز .. وأدخلك

من كلامك بدخلك

من بين مسامك بدخلك

من أى قاسم مشترك

وشبهة تشابه .. ادخلك

ونتلاقى نهرين من تسامى .. وإشتها

وأبداكى من حيث أنتهت عندك خواتم الإنتها

أبداكى .. وأخلع خيام عمرى المضى

وألقاكى مبسوطة اليدين

مفتوحة أبواب الرضا

أبداكى من لحظة أنستِكْ نار

وأخدت من قبسك .. هُدى

وأنا ضُمـّة زاهد

فى الدروب الما بتجيك

.. ولا بترجِّع ليا من تالاك صدى

أبداكى من وين ؟

descriptionمصطفى سيدأحمدxالوجدان Emptyرد: مصطفى سيدأحمدxالوجدان

more_horiz
وضــــاحــة



أزهـــري محمـــد علــي
================

الـصـبـاح الـبـاهـى لـونـك

وضـــاحة يـا فجــر المـشــارق ....

غـــابـة الأبـنـوس عـــيونك

يابنيّة مــــن خـــبــز الفنادق

***********

شـــيدتى فـى جــــوّاى صــوامــع لـى الـفــرح

وفـتـحــتـى فى دنياى .. مـسـارح لى المــــرح

وبــقيتى لى ســــكة وعــيون

لا قـدرت أطــولك شـــان أجــــيك

ولا قـــدرت من غــــيرك أكــــون

وأنا بــيــكــى مــالـينى الكـلام

... حــرّكت بيك عــصـــب السكون

جـــلــبت ليـك الغــــيم .. رحـــــط

طـــرّزت لـيــك النيـــل .. زفـــــاف

حرقت ليك الشوق بخور ...

وفرشت ليك الريد .. لحاف

**********
لا الســكة بيكى بتنتهى

ولا مـعــاك مــلّيت طـــــواف

ياريتنى لو أقــدر أطولك

وضّـــاحة يا فجـــــــر المشارق ....

descriptionمصطفى سيدأحمدxالوجدان Emptyرد: مصطفى سيدأحمدxالوجدان

more_horiz
في ذكري رحيلك يا مصطفى تاكلنا الغربة ويسافر بنا مد الغيم الى المجهول
نكبكيك ام نبكي انفسنا وضيق الحال؟
ام نبكي" الشجن الاليم" "ما بين خاطر" "وحزنك النبيل"؟
"وبنفتش عليك في المنفى"
وفي "مطر عز الخريق" "وطيبة" تكاتل المشوار علي نار الجرف "طورية متكية"
"نكر صوتك صداك" "واتبرجت غيمة" "نهار شوقنا" ومشاويرنا الصباحية
وانت النيل
وكنت قبيل
دعاش الفرحة لي "طيبة" و" ود سلفاب"
و وسط الدارة "ترقص فوقا صقرية"
تنادي الشفع التلعب مع "نوره"
"وعجنا" الكان بدقوا كرامتو فجرية
و"عم عبدالرحيم" بشهد هوان الحال
وضيم الزول وقت ترزم
خيوت الفجعه فوقو تموت
"تغرد فوقو قمريه"
"مداين" تبكي في المجهول
وفرحة زول
"بيحلم زي مراكبية؟
تكابد "ضلنا" المغشوش علي
"شعر البنية سقف
وايدين الرجال رصاص" بيوقد لي النهاريه.
بعد "عزّ المزار" والنيل بقاوم في جيوش الهم
ويسال عن صلاح الحال
يرتب "مريم الاخرى" ويصاحب لي الخدرجية
بعد "مطر الحزن عاود"
ورشة الدنيا بي سيلو
"بقول غنوات"
"ونشوة ريد"
تقالد بت فرايحية
وقت وقف النهار بالليل
تجي "البت الحديقة" كمان
"وتبكي وجيدة طعنة سيف"
وفي" الزمن الخرافي" تخت
حتة فرحه ورديه
علي "قمر الزمان" تحلم
"علي عينيك تصاوير الغنى" المسفوح
و"عباد الشمس" بشهد
"بحيض النيل" ويملى رعافو كورية
"وخوازيق البلد زادت"
"عجاج البحر" سده الغيم
معاك "ضليت" وضلت فرحة مخفية
مع غيبتك... حزنت نامت الخرطوم
بعد ما "عدى فات"الحال
دعاشك من سماء امدرمان
وتاهت "سمحه سمرية"
وانكسر الشتم بالليل
وضاع النيل
وقال "اتدفقى" الاحزان
"ويا ضي شبابك البيوت" انسد
وسكّت لي الصنايعية
ويا" صابرين" علي جمر الحزن ابكو ا
وبكي سماكا يا السودان
عشان" قمر الزمان" اضحك
يدق مزيكة" حورية"
صحي" ابداك انا ومن وين" ؟
وانت معانا جوه الروح
محل مانروح
وفيك ارواحنا متكية
"وبراك واقف" "هردتا لهاتي" قالن ليك
"سحابات الهموم" يوم جن
"علي بابك" يعزنك بعد ما سابن الجيه
و"سافر" في "زمن بيروح"
شعاع "عينيك مدن"تحلم
في" لحظة شهقة" نص الجوف
و"ميلاد حب" يغالط في السماسرية
ودفرة وجعة تمصر ليك
مشرع الحلم الفسيح وتصر
وشيشا في "طريق الليل"
بسكّت دمعة محرية
وقالت"ماشقيتك" يوم ولا استنيت
"صديقي الاول" المسكون
وساكن في" استلاب" الغيب
ويشتل غنوة وردية
علي "غربة ومطر" و"سحاب"
عشان "اديني احساس" زول
همو علي وطن مهموم
ونفسو تقولو في"نفسي ..في داخلك اعاين" ليك
بعد تميته وردية
وجايي تسكت الشفع
ومن "عزار دموعك ديك"
تقش ايديك عشان تقدر تعاين ليك
وايدك ماها ملويه
رحلتا وسبتا دنيا الهم
بترقع في يباس الحال
علي" لوحة وطن" مجروح
وصوت مبحوح
بعد عيشة الرجال مسخت
وعاشت غربة ابدية
وقالت "يا سلام منك" رحلتا حلاص؟
وسبتا الدنيا لي الاغراب
بعد ما ناح غراب الشوم
ودقا نحاسو زندية
وجاطت فينا ريحة الخوف
وعربد في صحاري الروح
ضجيج الوجعه ينده ليك
ويشحد ربو حرية
تلامس لي سما ارضك
عشان افرح سما الخطوم
بعد "عز المزار" في الضي
نشف ريق البنادرية
نحبك انت مافي وفي
لانك في
وبس بكفي
وجودك في مدى الاحساس
ونارك ماها مطفية
وطعمك ببقى زي ما هو
"مداد ارضك""شليل الراح"
وحزمة ناس تشنق الليل
تخلي الساحة مضوية

descriptionمصطفى سيدأحمدxالوجدان Emptyرد: مصطفى سيدأحمدxالوجدان

more_horiz
كان نفسى اقولك من زمان

بالكاتمو فى سرى

ومكَّتمْ فى حشاى.. مدسوس سنين

كان نفسى اقولك من زمان

بالشايلو فى عينى معزة

وفى القلب ريدا بخاف الغربة

والشوق والحنين

زاملنى زى خاطر الفرح

وكتين يقاسم الهم عزا

وكتين مدامعى تكون جزا

تفتح مباهج الليل ظنون

كان نفسى اقولك من زمان

سطوة محاسنك عندى ماكسرة جفون

وكت العيون تعبرنى زى خاطر المسا

سطوة محاسنِك ما الرخام الفى الحرير

وكت الثغير يفجعنى بى حرفاً قِسى

سطوة محاسنِك عندى وكتين كبريائِك

ينهزم لى طيبتى بى لفظة حنان

وكتين مشاعرِك تنسجم فى عمرى

تنفح قلبى بى رعشة أمان

سطوة محاسنك عندى وكتين شوقى

يصبح فى هواك

ليل عزة ما بتعرف هوان

كان نفسى اقولك من زمان

عينيك وحاتك غربتى وأهلى وبلادى

الفيها ضايع لي زمن

عينيك وحاتك شوقى لى زولاً ولوف

من بعدو ساب عينى سهن

وانا الكنت داير من زمان

أشرح حكايتى معاك الف

احكيك وازيد القول ولف

واتمنى لو قلبك عرف

كان من زمان

من قبل مافى قلبى يتحكر

زمان الحرقة فى جرح الأسى

من قبل ما حرف الحقيقة الحلوة يتبدل عسى

ويصبح أمانى كسيره فى خاطر الحنان

كان نفسى اقولك من زمان

descriptionمصطفى سيدأحمدxالوجدان Emptyرد: مصطفى سيدأحمدxالوجدان

more_horiz
مصطفى سيدأحمدxالوجدان Mustafa_main

descriptionمصطفى سيدأحمدxالوجدان Emptyرد: مصطفى سيدأحمدxالوجدان

more_horiz
مصطفى سيدأحمدxالوجدان Must55


الاهداء لكل محبي الفنان المرهف عليه رحمة الله

descriptionمصطفى سيدأحمدxالوجدان Emptyرد: مصطفى سيدأحمدxالوجدان

more_horiz
عدى فات


زمن العيون الإلفـة
والحضن الملاذ
ورهـافة الحس البلوّن
ضحكة الناس العـزاز
بعد الحنان الكان زمان
إستوطن المطر الحراز


روّح زمانى وفى رجاك
عانيت قساوة الإنـتـظار
فى ضل شبابيك السفر
صادقت ليلات الموانى
الـساكنة فى بحر
الأمانى بتنتظـر
لو يوم طيوف لحظك تفوت
تعبر خيالات تمر
قلق المواعيد الضّجر
سهر العيون الإحتراز
إتعزز النوم فىالخـدار
وإتمدد الشقا فى العمر
ملّيت تباريح الجراحات البقت
بعدك أسى وزمناً قسا
وحالاً أسيف
ومشيت أفتش عن خطاويك
القبيل واضّارى من زمناً
وراك ملانى خـوف
أشتقـت ليك اشتقت أرتاح فى عيون
فيهن ملامحك ذاتا
من غير أىّ زيف
وإشتقت لى حكة صباحك
والدعاش عطر رزاز مطر الخريف
أنا وإنت والدنيا الزمان
الناس وفـا وغنـوّة صفـا
ودفء المشاعر الشاتية صيف
أنا وإنت والدنيا الزمان
زمن الغناوى الطالعة من قلباً
رضى وحسّاً ندى و زوقاً رهيف
أنا وإنت والـدنيـا الأمـان
ما العمر شتّان بين
أوان زمناً حييتو
وعمر ما بتقدر بتعرف
بكرة يصبح حالو كيف
و
سلام كتير
وارح ح ح ح ح

descriptionمصطفى سيدأحمدxالوجدان Emptyرد: مصطفى سيدأحمدxالوجدان

more_horiz
أسرة الراحل المقيم مصطفى سيد أحمد

مصطفى سيدأحمدxالوجدان Must18

مصطفى سيدأحمدxالوجدان Sieds

مصطفى سيدأحمدxالوجدان Samirs

مصطفى سيدأحمدxالوجدان Must7s

descriptionمصطفى سيدأحمدxالوجدان Emptyرد: مصطفى سيدأحمدxالوجدان

more_horiz
مصطفى سيدأحمد فى بوح حميم




رحل النهار بضوضائه .. وجاء المساء يرفـل فى عباءة هدوئه ونسماته الرقـيقة .. كنا أنا ومصطفى لوحدنا .. أدركت أن شهيته كانت مفـتوحة إلى آخرها للبوح .. كان يتحدث عن الحب .. لم أقاطعه .. تركته .. حتى يقـف عند نقطة مناسبة ... وقلت له:

الحب ماذا يعـنى لديك ؟


* ولازلت أذكـر نـبـرات صوته وهى ترن فى أذنى قائلاً: الحب يـقـترن فى داخلى باللون البنفسج .. فيه هدوء الأزرق وسخونة الأحمر... وبتعادلهما يصير دافـئاً.

وحتى لا يفـلت مناخ اللحظة منى قلت له : (غدّار دموعك )؟

إمـتـدت لحـظة مـن الصمت .. ســـرح فيها طويلاً .. حتى خـلته يتجاهل الإجابة على سؤالى .. وهى عادته فى مواجهة بعض الأسئلة ... إلاّ أن صوته إنتشــلنى من خيالى وهو يقول :

غـــــدّار كانت نـتـــاج تجربة واقعية ... عندما كانت العواطف يافعة .. فى زمان غير الزمان .. ومــكــان غــيـــر المكان .. إشـتعل الإحساس البكر مغالطاً لترتيب الواقع والمجتمع .. وخبأ ونحن نستوحـش السير بدونه ...


- قلت له : هــــذه إجابــة جميلة .. أنا أسأل عن تفاصيل تـفـسـير .. دون الخوض فى تفاصيل دقـيقـة؟

* أجابنى : تفاصيل ليسـت للنشـر .. غير ذلك لا ..

- قلت له فـليكن .. وحكى لى مصطفى التفاصيل ... وإختتمها قائلاً: أنا أحـترم أمانتك المهنية ... فأجبته : وأنـــا أحترم ثـقـتــك فىّ..... إذن حـدّثـنى عن ( ضياع العشم ) و ( الغصّة ) الذان وردا فى غدّار دموعك.

* أجـاب : ضـيـاع العـشــم هو إنطفاء شمعة المـستوحـش ... والغصّة لغةً .. هى ما يعـترض الحـلــق عــنــد الـفجـيــعة .. وإحساساً هى المفازة التى يمتد خـلفها الطريق المعبّد
!

طفولة

- فى طفولتك .. هل كنت شقياً؟

* ويعود مصطفى بخياله إلى زمن البراءة ... والشـقـاوة ، ويقول ضاحكاً : نعم كنت شـقـياً .. بل حاد الطباع ، كثير الإنفعال .. وألتقـط كل ما يدور حـولى من معلومات من الكبار .. وأتمرد عليها عندما يحدث التناقـض .

- وفى دراستك .. هل كنت ذكياً؟


* لم أكــن أحـب الإسـتـذكار الكثـيـر .. بل لم أكن أحب المقررات المدرسية ، وكنت أهرب كثيراً منها للإطّلاع الخاص .

- نـقـطة ضعف .. ما هى ؟


* المجامـلة .. والإحساس بالزمن .. حيث يكون تافهاً عند البعض.

- ومصدر نفـورك ؟


* النفاق .. ونقـص القادرين على التمام .


- ومصدر خوفـك ؟

سـباق الزمن .. حيث أن الحـياة قـصيرة .

- متى فرح قلبك ؟


* حلمت البارحة بالجـدب إخضراراً .. وبالخواء إمتلاءاً... والإنكسار شـموخاً ... والفرح والصدق يلوّنان هذا المهرجان .

- هذه أفـراح الحـلم .. فأين أفــراح الواقع ؟

* يا صديقى .. تـتـداخـل أحـلامى مع واقـعى لأبـقى ..

- هل تشـعـر بالسـعادة .. ومـتى ؟

* السـعادة هى الرضاء .. والرضاء لا يـتوفـر فى الأزمـنة العجـفـاء .. بـل فى تـلك التى تمـتلىْ مشاركةً .. وتوافـقاً .. وإنسجاماً ..

- ما الذى يشعرك بالإضطّهاد ؟

* عندما أحس بأننى قادر ... وأشعر أن الآخرين يقـفون حائلاً بينى وبين إستطاعتى .

- هل صحيح أن الوعود ..أرخص هدية تـقـدّم فى الأزمات ؟

* أنا شخصياً لا أحب الربت على الكتف.

- قلت له : المرأة .. هل ملهمة عاطفة أم شريك وعقل ؟

* العاطفة والعقل هـما الإلهام الذى يفجره الإنسان .. رجلاً كان أم إمرأة ..

- المرأة أم الرجل .. أيهما أصدق فى الحب وأوفى ؟

* كلاهـما صادق إذا تـوفـر التوافـق والإنسـجام .

- وفى الكراهـية؟

* كلاهـما أيضاً أصـدق فى الكراهية .. حيث أنـهـما دائماً واتـر .. ومـوتـور ..

- هل توافـق عـلى أن وراء كـل رجـل عـظـيـم .. إمرأة تـعـذبـه ؟


[color:71ce="Magenta"]* هـذا إذا كـان مـعـدن الرجل لا يـجـديـه الـطـرق الا ..وهو سـاخـن .[/[color=darkred]COLOR]

- سلاح المرأة مع الرجـل من وجهة نـظرك ؟


* هو الخيار الوحيد الذى تركه الرجل فى يدها ..

- وما هـو ؟


* السلاح الذى تستعمله !!

حـــــرمـــــــــان

- المرأة تـذبـل إذا فـقـدت الرجل .. الرجـل ماذا يحـدث له إذا حـرم من المرأة ؟

* يـجـف فيه نـبـض الإنسـانـيـة .. ويـصـيـبـه القحط العاطفى .. وخواء المشاعر .. ويتعاطى الحياة كما لو كان يسف نشارة الخـشـب .

- هل سبق أن شعرت بملل .. وأنت تـتـحـدث مع إمـرأة جـمـيـلـة ؟

* عـنـدما تـعـطـيـنى الإحسـاس بأننى أتحدث إلى دمـيـة فى إحـدى فـتريـنـات شـارع الجمهورية !!

- المـرأة المـثـقـفـة .. فى بـيـت الـزوجـيـة .. ماذا تـعـنى ؟

* تـعـنى إمـكانيـات إنـسجام عـالية إذا أقـر الطرفـان مبـدأ التوافـق .. وليس التطاول .. حيث يستحيل الأخير .

- متى تطلع الشعيرات البيضاء .. فلى قلبك ؟

* عنـدما يـتـضاءل إحساسى بالحب .. والحياة.

ـــــــــــــــــــــــــــــــــــــــــــ

وقبل أن تغادر شهيته المفتوحة للبوح - على آخرها - أدرت دفة الحوار إلى منحى آخر .. وقلت : من هم مماليك هذا العصر كما تعتقد ؟

* هم اؤلئك الذين حولوا مقدرة العطاء إلى الأخذ فقط .. وإمكانية المشاركة للإستغلال .. وأفرغوا مفردات اللغة من مضامينها ومحتواها .

- البطل .. الديمقراطى .. الفدائى ... كيف تراهم من وجهة نظرك ؟
* البطل هو أكثر الناس عطاءاً للناس ... الديمقراطى هو الذى إستطاع أن يعالج نفسه ويصححها من عيب وخطأ تربوى وتاريخى ... أما الفدائى فهو الذى ينكر ذاته حقيقةً.

- قلت له حدثنى عن معان تنبع فى دواخلك تجاه الجمال .. الغيرة .. الحقد .. الخيانة .. الأخلاق .

* الجمال فى شىء قليل عنه كتب هـيـغـل كتاباً ... الغيرة أشواك لثمرة طيبة .. الحقد إتساخ للداخل .. الخيانة ماقلته عن الحقد بإضافة حسابات مختلفة ... الأخلاق نداء يصيح فى دواخلنا ( تماسكى هذه الأشياء.... ما حان زمان التساقط ) !!

- الخطأ الذى لا يغتـفر فى وجهة نظر مصطفى .. ما هو ؟

* ما لا أستطيع أن أجد له موقعاً فى دائرة تسامحى
المصدر جريدة صوت الشارع

descriptionمصطفى سيدأحمدxالوجدان Emptyرد: مصطفى سيدأحمدxالوجدان

more_horiz
الحزن النبيل

صلاح حاج سعيد


وبقيت أغني عليك
غناوي الحسرة والأسف الطويل
وعشان أجيب ليك الفرح
رضيان مشيت للمستحيل
ومعاك لي آخر المدى
فتينى يا هجعة مواعيدي القبيل
بعتيني لي حضن الأسى
وسبتيني للحزن النبيل
ومشيت معاك كل الخطاوى الممكنة
وبقدر عليها وبعرفها
أوفيت وما قصرت في حقك
ولا كان عرفه غيرك أصادفها
وقدر هواك يجيبني ليك
جمع قلوبنا وولفها
وكتين بقيتي معاي في أعماقي
في أعماق مشاعري المرهفة
لا منك ابتدت الظروف
لا بيك انتهت الأماني المترفه
ندمان أنا
ابداً وحاتك
عمري ما شلت الندم
ما اصلو حال الدنيا
تسرق منيه في لحظة عشم
وأنا عندي ليك كان الفرح
رغم احتمالي أساك
يا جرح الألم
كان خوفي منك
جاي من لهفة خطاك
على المواعيد الوهم
اهو نحن في الأخر سوا
باعنا الهوى
ماشين على سكة عدم

descriptionمصطفى سيدأحمدxالوجدان Emptyرد: مصطفى سيدأحمدxالوجدان

more_horiz
يا ضلنا

يحيى فضل الله

ياضلنا المرسوم على رمل المسافة

وشاكي من طول الطريق

قول للبنية الخايفة ..

من نار الحروب تحرق بويتات الفريق

قوليها ما تتخوفي

دي البسمة بتجيب الأمل ..

والأمل بصبح رفيق ..

والأصل في الجوف اندفن

لا تبنسي .. لا بتمحي .. لا بنتهي

الفينا من آهات أليمة ..

في حكاوينا القديمة ..

لا بيرحل عن عيونا

لا بتغشاهو الهزيمة

القبيل راجينو نحنا

يوم تمطر بيهو غيمة

لما تمطر يوم علينا

الفرح يملا المدينة

والبلودات الحزينة

ياضنا ..

descriptionمصطفى سيدأحمدxالوجدان Emptyرد: مصطفى سيدأحمدxالوجدان

more_horiz
قصة أُغنية ليه غبتي يا القمرة (مصطفى سيد أحمد)




كُتبت هذه الأُغنية لمسرحية " أربعة رجال وحبل " تأليف (الفقار حسن عدلان) ومن اخراج (قاسم ابوزيد)، وهي واحدة من أغاني المسرحية وكلها من الحان الراحل المقيم (مصطفى سيد احمد).

مقدمة الأغنية أو الجزء الأول منها الى المقطع " نشرب بواقى السيل " كتبه الأستاذ (قاسم ابوزيد) ويقول المطلع:

الحال وقف
وقفت معاهو كمان بلود
نار الفرح ما ولعت
ساق الحراز كضب
شرب موية المطر
دلوكة العز والعزاز
ما خنقت

****
ليه غبت يا القمرة
نركب جياد الليل
إن شرَّ بينا صباح
سفر العتامير .. ليل
نرجاكَ فى المطرة
أرجع تعال .. يا شليل
دِرع الأميرة .. سـِرِق
سووهو حِدوة خيل
بحر العطاشة .. نِشِف
نشرب بواقي السيل

***********

وبجرأة الفنان الواثق من أدواته التعبيرية يستلف مصطفى من (محمد الحسن حُميد) بعض السطور والمفردات الشعرية ويمارس القص واللصق ليكمل القصيدة من أشعار (حُميد) بالمقاطع التالية:

صُدْ لي ملامحك يا حراز
ريح العوارِض ... غرَّبتْ
فرتِق ضفايرك .. فى الرزاز
جية العصافير .. قرَّبتْ


عبقرية مصطفى قادته إلى دمج نصوص من شعراء مختلفين في التناول والأسلوب دون أن يختل المعنى العام للنص أو تحس أنت كمستمع بان هذا النص أو الأغنية لشاعرين مختلفين.
وأنا اعتقد جازماً وإلى اللحظة انه لم يكن لأحدٍ أن يشك أن هذه الأغنية لنصين ولشاعرين مختلفين هما (حميد) و(قاسم) والذي قام بالدمج هو (مصطفى) لوحده وليس الشعراء.

هناك نموذج آخر وان كان مختلف قليلا كما في أغنية (طوريتك) حيث بدأ كتابتها مصطفى بالمقطع ثم واصل فيها (محمد المهدي عبد الوهاب) وأكمل القصيدة الشاعر (صلاح حاج سعيد) دون أن نحس بإختلاف اللون في القصيدة مع اختلاف الشعراء وطريقة كل واحد وأسلوبه في كتابة الشعر، وهى فكرة لا اعتقد أنها تكررت بالقدر الكبير لأي فنان آخر أن يكتب أغنية ثلاث شعراء.

ألا رحم الله (مُصطفانا)... و(اصطفاه) إلى جنات الخُلد والنعيم...

descriptionمصطفى سيدأحمدxالوجدان Emptyرد: مصطفى سيدأحمدxالوجدان

more_horiz
ما قالته والدة الراحل (مصطفى سيد أحمد) عن ابنها




*** تسميته بمصطفى وطفولته ***
عن سر تسميته بمصطفى تقول الحاجة ست الجيل أنها اختارت له اسم (علي) تيمنا ًبسيدنا علي الكرار ولكن والده اختار له اسم مصطفى بركةً بسيد الخلق المصطفى عليه السلام ونعم ما اختار ، أما عن طفولته فقد كانت مغايره لطفولة أخيه المقبول فقد كان هادئاً ومسالماً لا يُخطئ على أقرانه، ويحترم كبار الحي وعموماً طفولته كانت تسرني كأم .

*** عندما غنى لأول مرة ،وسر بيت العنكبوت ***
لأول مرة اكتشف جمال صوته عند (الطهورة) فكان يغنى لأخواته بصوت جميل ومنذ تلك اللحظة عرفنا مقدرته على الغناء وأصبح يغني لأصحابه في المدرسة وأذكر أنه في مرة سمعته (ينوني) وقلت له : ده شنو يا ولد يا مصطفى ؟فقال لى: أنا (بغني) يا والدة، وكانت لديه غرفة بالمنزل يغني فيها اسماها (بيت العنكبوت) والغريب "انها قد وقعت وانهدت لوحدها بعد وفاته" .

*** زواجه من بثينة والاحتفال بسيد احمد الصغير***
لن انسى هذا اليوم ما حييت أذكر أن مصطفى كان على ظهر فرس ويحمل سيف ويبشر على الاحباب. وبعد العرس انا كنت دايماً بزوره فى الخرطوم لكن فى مرة رسل لينا وقال: إنو بثينة حامل وسوف تلد بمستشفى الراهبات، أرسلت له أُخته (بخيتة) وجاء سيد أحمد الصغير وغمرنا إحساس السرور والرضا عند ولادته فمن شدة فرحي جريت فى البيت فسيد أحمد الصغير انتظرناه طويلاً ،اتمنى من الله ان يحفظه.

**** أول مرتب وأول هدية لي****
مصطفى عليه رحمة الله كان لا يُقصر معي في شئ ودائماً في أسفاره كان يحضر لي هدايا كثيرة لكن اغلى هدية احضرها لي كانت عبارة عن : (وابور جاز ابو شرايط) اشتراها لي من أول مُرتب استلمه من وزارة التربية . وكان يرسل لى المصاريف لي آخر يوم في عمرو رغم المرض وأنا مبسوطة منو عمل العليهو وزاد وكنت بتمنى يحججني والحمد لله حجيت واقول:" عافية منو وراضية عليهو دنيا واخرة" .

*** ليلة الوفاة ووقع الخبر على الاسرة ****
فى تلك الليلة وعلى غير الليالي الكل نام من بدري، لم يغمض لي جفن وفضلت أتقلب فى السرير تقول كأن فيهو نمل وقلت لبنتي (بخيتة) أن النوم ما داير يجينى ولازم مصطفى مو طيب لكن بخيتة طمنتني وبعد اذان الصبح سمعت أصوات وبعد أن إنفتح باب الشارع وجاء (محمد زين) قت ليهو مالك يا عشاي جاى فى الليل ده؟؟
قال: لي قولى لا اله الا الله مصطفى ... ولم يكمل كلامه , عم الصراخ البيت قلت له: هل سمموا ولدي ام انقلبت بيهو عربية ؟؟ قال: الوفاة طبيعية وعندها جريت دون ان اشعر.. (حذفت بعض الكلمات لأنها ذات وقع عاطفي ومؤثر).. استغفرت الله و استرجعت الله .

أنا مؤمنة بالله وأرفض تعليق أي صورة للمرحوم فى البيت أو المحلات أو الدكاكين،
وحتى عندما أُشاهده في التلفزيون أقوم بخفض الصوت ...الله يرحمو ويغفر ليهو .آمين.

وكانت كلماته الاخيرة رحمة الله عليه قبل أن يسافر إلى الدوحة :
(رجاءً إذا لم أعد من هذه الرحلة عليكم أن تخبروا زوجتي وصغاري واصدقائى
وكل السودانيين إني عشتُ فخوراً بهم وكذلك مِتُ فخورًا بهم ايضاً ....)

(تُوفيت الحاجة "ست الجيل" العام الماضي 2006 في نهاية شهر مارس)

descriptionمصطفى سيدأحمدxالوجدان Emptyرد: مصطفى سيدأحمدxالوجدان

more_horiz
مصطفى سيدأحمدxالوجدان 63527635274tq
عم عبدالرحيم

فتاح يا عليم
رزاق يا كريم
صلى على عجل
همهم همهمة
حصن للعباد
وهوزز سبحتو
ودنقر للتراب
هم فوق هم همـة
صنقع للسما
وكان فى الجو
فى غيم
وكم نجمات بعاد
وكان الدنيا صيف
لا قالتو كيف
كيف اصبحت كيف
لا لمسة حنان
لا لمسة وداد
لا رمشة طريف

من قلبا وفى
زى ايام زمان
ايام الدفى
كانت ماهـا فى
كانت فى المراح
شدتـلـو الحمار
تحلب فى الغنم
لى شاى الصباح
والطير ما نضم
ما رسل نغم
عم عبد الرحيم
اتوكل نزل
فى المشرع لقا
زملان الشقا
الجا من الجريف
الجا من الجبل
عل الناس بخير
صبح هاظرم
نقنق ناقرم
غاظوه نعل
وعم عبد الرحيم
ما بخبر زعل
كل الناس هنا
ما بتخبر زعل
تزعل من منو
وتزعل فى شنو
كل الناس حنان
كل الناس صحاب
كل الناس اهل
والماهم قراب
قربم العمل
الطاق اليطق
عشت ابو الزمل
بالحالة العليك
بالفال بالامل

عم عبد الرحيم
كت فتاح فى يوم
فى ايدك تنوم
على كيفك تقوم
لا دفتر حضور
لا حصة فطور
تقرع بالقمر
تزرع بالنجوم
لكن الزمن دوار آ بدوم
عم عبد الرحيم
ماشى على الشغل
فى البال القديم
اتعارض تكل
تنشايح جراح ..
يا كيف الغسل ؟
الدنيا ام صلاح
تبدأ من التكل
من حج الصباح
فى حق الملاح
فى اللبس الجديد
فى القسط القديم
وبيناتن عشم
فى الفرج البعيد
امونة الصباح
قالتلو النعال
والطرقة انهرن
ما قالتلو جيب
ما قالتلو جيب
شيلن يا الحبيب
غشهن النقلتى
والترزى القريب
بس يا ام الحسن
طقهن آبفيد !!
طقهن آبزيد !!
انطقن زمن
وان طق الزمن
لازمك توب جديد
وبى اية تمن
غصبًا للظروف
والحال الحرن
شان يا ام الرحوم
ما تنكسفى يوم
لو جاراتنا جن
مارقات لى صفاح
او بيريك نجاح
ده الواجب اذن
وايه الدنيا غير
لمة ناس فى خير
او ساعة حزن
عم عبد الرحيم يا حر
ماكا حر
ياريت التمر
يا ريت لو يشيل
كل تلات اشهر
والله ايام زمان
كانت ما تمر
كان ما جاك هوان
ما لاقاكى ضر
كان لا ضقت ضيق
لا اتغرغر فقر
لا شابيت غريق
لا طلوح صبر
وكان ما كان وكان
كان اكسيكى در
حيكومات تجى
وحيكومات تغور
تحكم بالحجى
بالدجل الكجور
ومرة العسكرى
كسار الجبور
يوم باسم النبى
تحكمك القبور
تعرف يا صبى
مرة تلف تدور
ولا تقول برى
او تحرق بخور
هم يا الفنجرى
يا الجرف الصبور
كل السقتو ما
باقى على التمور
وارضك راقدة بور
لا تيراب وصل
لا بابور يدور
والماهية أف
عيشة هاك وكف
فى هذا الزمن
تب يا دنيا تب
فى هذ الزمن
تف يا دنيا تف
يا العبد الشقى
ما اتعود شكى
لكن الكفاف
فوقك منتكى
والسوق فيك ياسوق
حالا ما تسر
الا كمان فى ناس
فايتاك بالصبر
ساكنين بالايجار
لا طين لا تمر
واحدين بالايجار
ما لا قين جحر
سلعتم الضراع
والعرق اليخر
عمال المدن
كلات الموانى
الغبش التعانى
بحارة السفن
حشاشة القصوب
لقاطة القطن
الجالب الحبال
الفطن الفرن
الشغلانتو نار
والجو كيف سخن
فرقاً شتى بين
ناس عيشا دين
مجرورة وتجر
تقدح بالاجر
ومرة بلا اجر
عيشهم كمهو
ديل شوف كمهم
وديل شوف هان قدر
وناسا حالا زين
مصنع مصنعين
طين فى طينو وين ؟
ما مرابو مر
بارد همها
لا بعرق جبين
لا وشا يصر
عين والله عين
كلها كمها
عزها هان قدر
دى الجنة ام نعيم
الجنة ام قصر
يا عبد الرحيم
الا ورا القبر
يلكد فى الحمار
لا تسرح كتر
وان كان الفقر
يا عبد الرحيم
اشبه بالكفر
حكومات تجى
وحكومات تغور
تحكم بالحجى
بالدجل الكجور
ومرة العسكرى
كسار الجبور
يوم باسم النبى
تحكمك القبور
تعرف يا صبى
مرة تلف تدور
ولا تقول برى
او تحرق بخور
هم يا الفنجرى
يا الجرف الصبور
كل السقتو ما باقى
على التمور
وارضك راقدة بور
لا تيراب وصل
لا بابور يدور
نقرط للحمار
نقريط الحمار
لا تنسى النعال
الطرقة ، الخدار
اللبس الجديد
تسريح السفر
للماشى الصعيد
ماشى الديش نفر
والبــال اشتغل
والبال اشتعل
ب الابا مايعيد
الحول ما اشتغل
الغبن الشديد
السابة ورحل
الضيق المحل
الفرج القريب
الجا وما وصل
زى الحال دة يوم
لا كان لا حصل
والبال اشتغـل
السكة الحديد
يا عم القطر
يا عبد الرحيم
قدامك قطر
وسال الدم مطر
وطارت دمعتين
وانشايح وتر
يا طاحن الخبر
ما بين القضا
ومرحاكة القدر
الشهدو الدموم
و الدمع الهدر
ايدهم فى التراب
والعين فى القطر
عارفين الحصل
عارفين فى حذر
الخبر اليقين
بوخ وانتشر
اطفال القرى
وعمال الحضر
ادوهو الطيور
ودنو البحر
انصاع السحاب
وادفق مطر
عم عبد الرحيم
فى الشارع عصر
لى تالا اليسار
متفادى الكجر
عربية الكجر
دوية الكجر
جفلت الحمار
وطوح زى حجر
وعم عبد الرحيم
اتلافا القطر
فتاح يا عليم
سال الدم مطر
جرتق بالتراب
منشور بكتاب
روشتة وجواب
ماهية شهر
مفتاحا قراب
اورنيقين سهر
جم لبدة حمار
مقطوعين ضهر
عم عبد الرحيم
يا كم من بشر
عم عبد الرحيم
يا كم من بشر
صحى الموت سلام
ما يغشاك شر
صح فى الموت سلام
ما يغشاك شر

descriptionمصطفى سيدأحمدxالوجدان Emptyرد: مصطفى سيدأحمدxالوجدان

more_horiz
صورة نادرة للفنان مصطفي سيداحمد
مصطفى سيدأحمدxالوجدان MUSIC
صورة نادرة للفنان مصطفي سيداحمد

مصطفى سيدأحمدxالوجدان Mus3
يوم حنه الاستاذ، بودسلفاب،يظهرفي الصوره نورالدين الحاج

ومحمد حسن المبارك، ومريم سيداحمد


مصطفى سيدأحمدxالوجدان Mus5
صوره يظهر فيهاالاستاذ/مصطفي ،يوم السيره،وهومحاط بخالاته واخواته،بودالسلفاب

مصطفى سيدأحمدxالوجدان Mus6
في هذه الصوره، يظهر الاستاذ،ومعه الطفل سيداحمد بالامتدادـ الخرطوم

descriptionمصطفى سيدأحمدxالوجدان Emptyرد: مصطفى سيدأحمدxالوجدان

more_horiz
مصطفى سيدأحمدxالوجدان 1
اسره الراحل /مصطفي سيداحمد

مصطفى سيدأحمدxالوجدان 2
مصطفي سيداحمد

مصطفى سيدأحمدxالوجدان 3
السيدة بثينة محمد نصر زوجة الأستاذ
مصطفي سيداحمد


مصطفى سيدأحمدxالوجدان 3
سيدأحمد : الإبن الأكبر للأستاذ مصطفى

مصطفى سيدأحمدxالوجدان Samir
سامر : الإبن الأصغر للأستاذ مصطفى

descriptionمصطفى سيدأحمدxالوجدان Emptyرد: مصطفى سيدأحمدxالوجدان

more_horiz
مصطفي سيداحمد والفن الشفيف

وهي من كلمات الصادق الرضي :

كما يتسرب الضوء شفيفا ...
صوب سطح البحر
وهو محمل بروائح القمر
البني خلاصة السحر
غناء النشوة الكبري
وهفهفة العناصر في تراكيب الضياء
تتصاعد الارواح في الامواج
وهي ترتل الغصة شيئا من
خواص الماء
خيطا من دخان الرغو
في همس المزامير
ووشوشة الغناء علي شفاه الحور
إذ يسبحن بين القاع والسطح
فضاء الرهبة الصدفية , اللالون
حيث الصمت فاتحة الوجود الداخلي
لدولة البحر وقانون المياه
خذ من شعاع الشمس نافذة
وحلق في فضاءات الغياب
الي رحيل ابدي
لا مكان الان لك
والله يسكن بالاماكن كلها
وجها يضوء بالازقة
شارعا يمتد في كسرة الخبز الطعام
المستحيل الي ثياب الفقراء
ماذا يلوح علي النوافذ؟
هل تري منديل عاشقة
بلون البحر !!
دمع صبابة في نهد عاشقة
بطعم النار !!
يقطر .....
والعصافير اكتمال للندي
في شرفة الحلم
تسد الافق
تبحث عن طفولتها بذاكرة الفضاء الرحب
والفجر المعلب في رفوف الصمت
واللغة الخفية للغناء علي
مسام العشب
والشجر المخباء في تماثيل الشجر

*******************************************

الحزن لا يتخير الدمع ثيابا
كي يسمي في القواميس بكاء
هو شئ يتعري من فتات الروح
يعبر في نوافير الدم الكبري
ويخرج من حدود المادةالسوداء
شئ ليس يفني في محيط اللون
او يبدو هلاما في مساحات العدم
الحزن فينا
كائن يمشي علي ساقين دائرة
تطوف في فراغ الكون
تمحو من شعاع الصمت
ذاكرة السكون المطمئنه
كيف ترفض الجدائل
فضة في الضوء
ترفض الفقاقيع
مابين امراءة الرزاز
اشارة للريح في المطر الصبي
إضاءة للماء
خيطا من حبيبات الندي
سحرا صلاة هيكلا .. قوس قزح
ذلك سر الكون
ان تبصر في كل حسن اية لله
انوار من الملكوت والسحر
الالهي المهيب
ذاك سر العدل
ان تتفجر الاشياء تفصح عن قداستها
تري في الشئ ماكان احتمالا ان يري
ثم تنفتح الكنوز
الارض كانت تدخر القمح لاطفال لها
فقراء لا يتوسدون سوي التراب
قل للذين يوزعون الظلم باسم الله في الطرقات
الله في نار الدموع
وفي صفوف الخبز
والعربات والاسواق
والغرف الدمار
البحر ياصوت النساء الامهات
الله حي لا يموت
الله حي لايموت
الله حي لايموت

******************************************

كيف استوي ماكان بالامس هواء نتنا
ريحا بغيضا
بما كان هواء طيبا
ريحا يؤسس معطيات الشارع الكبري
عبيرا ضد تلك الرائحه
ما اشبه الليله بالبارحه
كل ماكنا نغنيه علي شاطئ النيل تغيب
وانطوي في الموج منسيا
حطاما في المرافئ
او طعاما للطحالب
في انزلاق الصوت للقاع
وفي صمت المسافات القصيه
نحن في ساعة الحزن
اختر مكانك واحترق حيث انتهيت
انت منسوب الدم الان
وانت اشتعال النار
مجمرة الغضب
انت / اذا ضياء اللحظة الاتي
انا / انت / ونحن الناس
والشارع والعواميد التي تمتد بالاسفلت
صوتي :: صوتك المشروخ
في صداء المقاعد
وانهيار البراكين
لم اقل :
ان الفضيحة قد تراءت في تلابيب العمامه
وامتداد اللحيه الزيف
لماذا لم تقل ؟
ان العمارات استطالت
افرغت اطفالك الجوعي
علي وسخ الرصيف
وميقات الفجيعة والفراغ
العاطفي الوطني
الان لن نبكي
ولكن من يساوم بالغد الاتي
وماذا سوف نخسر
نحن بالغربة رتبنا بلدا
لاتشابه غير وجه الذات بالمرآة
امراءة هي اللغة الرماد
لاتثق بالقلب ان العشق يؤذي
بينما يجدي التحرك في السكون
وفي مساحات الانا
وعي التكون
وابتكار الفرد مجموعا
يوازي سلطة الاطلاق
تحديد المواضع
بالاشارة نحوها بالاسم
تفتيت الهلام
واختراق السر
فتح نوافذ الاشياء
تكريس التفاصيل الدقيقه
قوة تنسف الاحلام والذكري
واشباه الحبيبات
الدمي ____ والاصدقاء
لا تثق بالقلب
كي يتصاعد الضوء علي كل المساحات
وحدق جيدا
انت تعرف انهم يقفون
ضدك ضدي ضدنا
واعرف انني ساظل
السلطة الاوعي
ونحن الان في عمق القضيه
مركز النار
وبالهامش تبقي سلطة اللغة الخفيفه
كي تعلق بالفراغ
نعم سنسي كل ماياتون
من فعل وقول
سوف نصلبهم عرايا بالمسامير
علي بوابة التاريخ
ثم نعبئ الايام في الصمت الخرافي الرهيب

************************************************

لست من نور لتغفر
انت من طين لتبني
فابني لي بيتا
لنا لك
للصغار القادمين
ان يك للعدل في الارض وجود
فليكن دمنا هو المقياس
ان تلك السماء مقابلا للارض
فلتكن الدماء مقابل للعدل
قال الله كونو ثم كنا
هل تحققنا تماما من وجود
الذات في ارواحنا !!!
ضوء التكون وانطلاق الكائنات
نحن نخرج من غناء العزلة الكبري
لنكتب عن غناء العزلة الكبري
ولكنا نصاب بضربة الحزن
اوان خروجنا من داخل الصمت
وفي الجوف سؤال...

descriptionمصطفى سيدأحمدxالوجدان Emptyرد: مصطفى سيدأحمدxالوجدان

more_horiz
السفر الأبيد.....
صلاح حاج سعيد


ماكنت قايل نفسى يوم

أرثيك يا أصدق خليل

أنا كنت بتخيّل أكون قبلك

أسافر غنوة فى الوتر الجميل

زى ما عبرت معاك صروف زمن المسافة

وجينا للى الحزن النبيل

أنا كنت داير الدنيا تمهلنا

ونغنى الفرحة لى الزمن الخرافى .. المستحيل

ورحلت ما كان ده الأوان

رحت وحرقت حشا الغنا

خليتنا لى الزمن الهوان

والإرتهان لى خيول زمان الشنشنة

كل المطارات والموانى

وشفع البلد الفتارى

... لسة بارين القطارى

يسألوا الناس عن خبر زولاً

مسطّر إسمو فى قلوب العذارى

وفى عيون كل المساكين ... الحيارى

زول بيطلع من نفس طورية ضامة الطين

تكابد طول نهارا

زول بيسكن فى عيون أطفال

تأمّل ديمة يديها البشارة

ياخى والله الفرقة حارة

وفقدك أكبر من محيط الدنيا

وأكوانها ... ومدارا

طليتنا زى حلماً جميل

فجأة فى غفلة أنسرق

أسطورة تحكى أمانى جيل

فى حب غناك كان ليهو حق

أديتو فى الدنيا الأمل

وريتو كيف فى الحق يقيف

من غير وجل أو إنبهار

علمتو بى حس النغم إنو الكلام

لازم يكون واضح كما شمس النهار

صدقك ملاهو حماس .. يقين

بالخير وبالحق .. والنضار والإفتخار

إنو الحبيبة هى الأرض

والتضحيات عشان عيونا هو الفرض

والدنيا ورّاثا الصغار

وعرفنا يازول قسوة الضنا والتعب

والإرتحال فى غفلة الزمن الصعب

وقولة الوداع بالضبط

والسفر الأبيد من غير رجوع

أو غير متاع

وبكت عليك كل الشوارع فى المدينة

ناحت عليك كل الفواصل

... فى الغنيوات الرصينة

وإنكتم نبض الغنا

جلل سواد حزنك سنا

وإتوشح المنا بالضياع

وكان بدرى يازول الوداع

لا سكة لى درب الرجوع

بعدك أغ**** إلتياع

مسكونة بالأسى .. والخشوع

لكن بريقك ما خبا

أبداً بريقك ماهو ضاع

ساطع كما نور الشعاع

منو قال هو فات

زولاً وهب كل الحياة للأغنيات

منو قال هو فات

ما أظنو زيّك يقولوا فات

يامن وهب كل الحياة للأغنيات

يا من ترك فى قلوبنا أنبل ذكريات

يا من ترك أحلامو فى كل الجهات

وخلّد معانى الروعة بى كل الصفات

ما أظنو زيّك يقولوا فات

يامن وهب كل الحياة للأغنيات

ورحلت ما كان الأوان

رحت وحرقت حشا الغنا

خليتنا لى زمن الهوان

والإرتهان لى خيول حروف الشنشنة

****
إلاَ الصهيل البشبهك
مدنى يوسف النخلى




نفس التصوّر والفهم

فسّرت حلمك في البيوت الراقدة

بين سندس صباح الموية

والقش النِعِس..

متكي الخريف

حازم مطر شوقو البحّلق في سحابو

البيك وجد في الأرض

مرتع وإتكى

الطير يردد مقطعين

من غنوة للحب والسلام

أدمنت كيف عشق الأرض؟

ألّفت ما بين التوافق والخصام

دابا البيوت الأدركت واستدركت

غنّايا ما جابو الفضول

ما فسّرت سرّ العلاقة

حكمة الخالق تجلّت في الفصول

في زحمة الموج البجيب نفس الخصوبة

التملا أحضان الحقول..

ما بشبهك إلاّ الصهيل البشبهك

ما اندرك.. يا طير نبت ريشو المشتت

في الشَرَك

ضرب الجهات الأربعة.. فجّ الوهج

وإتبدى من ليلو الحلك..

ما أجملك..

يا ماشي تحت الغيمة ضُل

كيف يستقيم الضل إذا العود إنعوج

كيفن ثبات الضو

إذا مات الوهج

مسكونة هذى الأمسيات

بي غنوة النغم الظريف

نفس البيوت الراكزة

وسط العتمة والريح المخيف

خبّا الشدر أحزانو

في الضل الوريف..

عبّا التعب سفر القصايد

بالنزيف

الغنوة أدمنت الصهيل

إتوسدت حلم الرصيف

أديني قدرة على الصراخ

أمرق من أحزانك

وأقيف..

descriptionمصطفى سيدأحمدxالوجدان Emptyرد: مصطفى سيدأحمدxالوجدان

more_horiz
مدنى يوسف النخلى
أملنا الباقى

أملنا الباقى يسرح بى


وأسافر لى زمن تانى

تبقى الدنيا فى عينى

هجعة خطوة .. فى سكة فرح مفقود

ورحلة موجة فى بحر الأسى .. الممدود

ورجعة غنوة من درب الضنى المهدود

.. وأفتش ليك

*******

وأفتش ليك حنانى معاى

أمانى تصارع المكتوب

عشانك لا مسافة تطول

ولا بتصعب معاكى .. دروب

وقلبى عليك

وعلى الوعد الحزين .. مصلوب

وراجع ليك

*******

وأفتش ليك

أجوب الدنيا .. وأرجع ليك

أجيك فارساً يشق صمت المتاهة .. الطال

يواعدك بى حكاوى الشوق

وبى شمساً .. وراها منال

وبى فرحاً يغرد .. فى سماك ألحان

ويجيب البهجة للأطفال
privacy_tip صلاحيات هذا المنتدى:
لاتستطيع الرد على المواضيع في هذا المنتدى
power_settings_newقم بتسجيل الدخول للرد