منتديات السديرة
أنت غير مسجل لدينا . للتسجيل اضغط على زر التسجيل


منتديات السديرة
أنت غير مسجل لدينا . للتسجيل اضغط على زر التسجيل

منتديات السديرة
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات السديرةدخول

description?????حاجات عجيبة

more_horiz
اول حاجة سلام عليكم , قولوا لي حبابك
تاني هام البوست البوست ده انا قطعتوا
من راسي ده يعني قطع ونجر اخضر وهسع
انا شغال بنجر فيهو ,بكرة ينط لي واحد ويقول
لي الموضوع منقول واعجب حاجة يجيك واحد
كاتب نفس الموضوع في منتدي تاني وكمان يضع
لك رابط الموضوع بتاعوا وتلقاه نفس الموضوع بالنقطة
والشولة وكمان كاتبو بتاريخ قبل تاريخ كتابة موضوعك
اها دي يقولو عليها شنو ؟
تالت هام ان فتحت البوست ده علق واكتب اي حاجة
اها نخش في الحاجات العجيبة تقوم من الصباح
وانت بتردد في راسك مقاطع اغنية جات من وين
ما تعرف والذكرك ليها شنو برضو ما تعرف ,
يخطر علي بالك شخص تكون ما لاقيتو من سنين
ويمكن ياتي ذكرو في الحديث وفجاءة تلقي الزول
قدامك ,يكون عندك مصلحة في مكان ما وتقوم من
الصباح تلبس وتمشي ولما تصل هناك تلقي المكاتب
مقفلة ما تلقي الا الفرّاش وتسالو الحاصل شنو يقول
ليك الليلة الجمعة , تكون خائف من حاجة معينة
وتحصل ليك بالكربون ,والاغرب المصائب لا تأتي
فرادي بل مجموعات ولا يسعنا غير ان نقول (حسبنا الله
ونعم الوكيل),تكون في الصلاة وبعد الاقامة الامام
يقول استوا تراصوا وتلقي نفسك في سرك تردد استوينا
اترصينا ,وبعد الدخول في الصلاة تلقي جارك علي
يمينك يتحكحك وينكرش ذي العندو مرض جلدي ولما
تنتهي الصلاة ما يتحكي ولا ينكرش ولا مرة ويكون
جهجهة صلاتك وصلاتو ده يكون شنو, والعجب العجيب
جارك في الصلاة عند اليسار يعمل حركة لمن تحيرك
فجاءة بدون مقدمات يتطاول ويقف علي امشاط رجليه
كأنه يريد ان يطير والاعجب يكرر هذه الحركة كم مرة
غايتو الله يقبل صلاتنا وصلاتهم ,اعجب حاجة تلقي ليك
واحد عمرو يتعدي العشرينات وما بعرف يتوضي حاجة تحير,
والبحير اكتر يمسح فقط مقدمة الراس ( الشعرات القدام)وثلاث مرات
وكمان بدون رد (رد المسح ما رد عمر البشير)والاعجب من ده تلقي
واحد بيمسح علي الشرابات , يمسح حتة صغييييييييييييييييرة
وكمان باصبع واحد , قادر الله
اها اخليكم بعافية والعندو حاجات غريبة ذي دي ينزل معانا والماعندو
بعد يقراء يكتب اي حاجة

description?????رد: حاجات عجيبة

more_horiz
يسلموووووو اخ الشمالي
privacy_tip صلاحيات هذا المنتدى:
لاتستطيع الرد على المواضيع في هذا المنتدى
power_settings_newقم بتسجيل الدخول للرد