منتديات السديرة
أنت غير مسجل لدينا . للتسجيل اضغط على زر التسجيل


منتديات السديرة
أنت غير مسجل لدينا . للتسجيل اضغط على زر التسجيل

منتديات السديرة
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات السديرةدخول

descriptionرسائل بنكهة بلــدنا.. Emptyرسائل بنكهة بلــدنا..

more_horiz
أتشابى ليك
تسقيني نور
أرويكي ريد
أبقالك الشيخ والمريد
تبقيلي تقـابة ومسيد
لا يوم هجرني الخوف عليك
لاتهت من دربك مشيت
أنا ياحبيبة شرحت بيك
للعاشقين كلمة هويت

رسائل بنكهة بلــدنا.. Suwar-7ta

اجمل لحظه وكتين التواصل بينا يتعدد
ويسمو الشوق معاني عظيمه تتجدد
وانشالله الصداقه البينا تصبح لي خطانا سند
وحالك يبقى كلو سعد يفارقك فيها اي نكد

رسائل بنكهة بلــدنا.. Suwar-7ta

اخاف لو قلت مشتاق ليك
تفوتني اللهفة تجري عليك
واخاف لو قلت اتصبر
يقوم الشوق يذيد اكتر
واخاف اهديك حروف مني
القى مداك بعد عني
واخاف اقول صباح الخير
اكون قصرت فى التعبير

رسائل بنكهة بلــدنا.. Suwar-7ta

أدمنتك
وطن مليان محنة
رملة ونخيل وشواطي جنة
زفة عروس مزدانة حنة
دمعة غريب لبلاده حنه
كايس الأمان كايس المحنة

رسائل بنكهة بلــدنا.. Suwar-7ta

أديني أحساس بالأمل
في رحلة شوق تطول
وأدي ألخطاوي ألراجعة ليك
في سكتك حلم ألوصول
ما إلدنيا كلها إنتظار
وألارتحال قدر ألفصول
ألموجة تحلم بالضفاف
وألغيمة تحلم بالوصول
راحل معاي ضي وذكري للايام هناك
لحظات بتزخر بالمعاني كيف انسي أشراقات هواك
نتحمل ألألم ونعاني ونصبر عشان نكسب رضاك
ونغني لو ذاد ألحنين ياريتو كان عايش معاك

رسائل بنكهة بلــدنا.. Suwar-7ta

اشتقت ليك
لما الجفون حضنت بعض بي لهفة في لحظة منام
اشتقت ليك عند الصباح لما الطيور قالت سلام
اشتقت ليك لما العيون ذرفت دموع من شوقها في لحظة ملام
اشتقت ليك ياأحلى ذوق
يا معجزة كل الكلام

رسائل بنكهة بلــدنا.. Suwar-7ta

اشتقت ليك
ساعة النفوس تهدا وتروق
عز السكون والناس هجود
بلمح ضياك
طول الطريق أرهق خطاي
بعبر مسافة الريد أمل
شايل هواك
اشتقت ليك
شوقا طمح فوق للجروف
شوقا سكب أحلى الحروف
بي نور بهاك

رسائل بنكهة بلــدنا.. Suwar-7ta

أشواقي لو عبرت سماك
مابيعترض مسارها زول
ما ليها من ريدتك فكاك
نديانة في كل الفصول
جدد جوازاتها المعاك
وأكتب تواريخ الوصول
أختمها بي طابع هواك
وأديها تاشيرة دخول

رسائل بنكهة بلــدنا.. Suwar-7ta

أصلى لمـّن أدور أجيك .. بجيك
لا بتعجّزنى المسافة
ولا بقيف بيناتنا عارض
لا الظروف تمسك فى إيدى
ولا من الأيام .. مخافة
يا نفس فجر القصايد
ما ضِهِبْ فى بعدى عنـِّك
أصلى متغرِّب عشانك
راضى بى الجايينى .. منـِّك
ما شكيت شُح اليالى .. وما بكيت نُحْ .. شِلتوا حالى رغم إنو الحال بيفضح
إلاّ كٌتْ فى الحارة بصرُخ :
يا وطن عِز الشدايد
ودائماً السودان في حدقات العيون

رسائل بنكهة بلــدنا.. Suwar-7ta

أعاين ليك
ألاقي معاي مدن مشدودة لي شوفتك
تقاسم قلبي في ريدتك
ونتغالط
منو الأكتر بريد عينينك
منو الأدمن سماع صوتك
منو الشايل دوام صورتك
وأباري هواي
ألاقي الغلبة لي قلبي
عشان ريدك سكن جواي

رسائل بنكهة بلــدنا.. Suwar-7ta

افتش ذاتى فى جواك وانتقريب وما القاك
فارش رموشى لى لقياك فارد ايدى لى دنياك
عشان لحظة القى رضاك انسى ضياعى بى رؤياك
لاى فيك وما بنساك وكيف امسي واصحى بلاك؟
وكيف افرح بدون القاك وكيف اسعد وانت هناك؟

رسائل بنكهة بلــدنا.. Suwar-7ta

أنا المحتاج أشوف عينيك
عشان أرتاح من الوجعة
أنا المحتاج لي صوتك
يخفف حدة اللوعة
وعشان في غيابك أقدر اعيش
كفاية علي خيال صورتك
يصاحب قلبي في الصحيان وفي الهجعة




رسائل بنكهة بلــدنا.. Bierd1mv9

descriptionرسائل بنكهة بلــدنا.. Emptyرد: رسائل بنكهة بلــدنا..

more_horiz
مشكووور على الرسائل

descriptionرسائل بنكهة بلــدنا.. Emptyرد: رسائل بنكهة بلــدنا..

more_horiz
ألف شكر ليك وردة

descriptionرسائل بنكهة بلــدنا.. Emptyرد: رسائل بنكهة بلــدنا..

more_horiz
مشكووووور

++

descriptionرسائل بنكهة بلــدنا.. Emptyرد: رسائل بنكهة بلــدنا..

more_horiz
اخي عسيلاتي
كل عام وانت بخير
أشواقي لو عبرت سماك
مابيعترض مسارها زول
ما ليها من ريدتك فكاك
نديانة في كل الفصول
ولك ودي وتحياتي
privacy_tip صلاحيات هذا المنتدى:
لاتستطيع الرد على المواضيع في هذا المنتدى
power_settings_newقم بتسجيل الدخول للرد