ضحك مووووووووووووووووووووووووت

في مدرّس نقلوهو جهة الرباطاب ومن أول يوم في المدرسة
لاحظ هنالك حمار في الشارع يتاوق بشباك الفصل ويدعك جسمه
ويمشي ، كل يوم كده قام الأستاذ قال للطلاب : الحمار دا عندو
ود عم هنا ولا شنو؟؟ قام طالب من أولاد الرباطاب قال ليهو : يا أستاذ
الحمار دا بيجي في حصّتك بس !!!!!!!!!!!!!!!!!!
**********
واحدة دنقلاوية سألوها : الدهشة معناها شنو؟
قالت : بسم الله دي ما ياهو ولد الهُمار !!!ا
***********
مسطول مشوكش ....سألوه عن أجمل بيت شعر شنو؟؟
قال : كلّما نربِّي كتكوت.....يكبر يفوت
*************
مسطول وقع في حفرة ...حاول يطلع ثلاثة مرات بلا فايدة
فقال : دي آخر مرة ، لو ما طلعتَ حَ أمشي !!!ا
*********************
زول محشش قالوا ليهو: الحشيش يؤدي إلى الموت البطئ
قال : أنا زاتي ما مستعجل !!!!!!ا
***************************
حفصة عروس قاعدة في الكوشة جنب عريسها
قالوا ليها : قومي أرقصي..فقالت : أبكر
أليك الله اهجز الكرسي دا !!!!ا
**********************************
رباطابي مرتو قالت ليهو : دايرة قميص نوم
فقال ليها : اللابساهو دا مالو...مساهر بيك ؟؟
***************************
جعلي أول مرة ياكل لبانة....حلف بالطلاق
ما ينوم إلاّ يكمّلا !!!!ا
******************
صعيدي عندو أرق...قالوا ليهو: عِد لحدي مية
عدّ لغاية عشرين نِعس...مشى غسّل وشو وواصل يعِد
*********************
قال ليك فى مسطول ولدو عيان قام وداهو الدكتور
الدكتور كشف عليهو وسال المسطول انتى ولدك دا بسنن
المسطول قال ليهو والله ماتستبعد ....
***********************
*في مستشفي المجانين قام الطبيب بمرافقة المرضي الي حوض السباحة فدخل كل المجانين الي الماء وهم يقفزون بجنون ويقولون بصوت واحد
نحن الرز العايم في الحله
الا ثلاثة مجانين وقفوا بهدوء يراقبون المشهد وهنا فرح الطبيب وقال لنفسه لابد انهم عقلاء ونفع علاجي معهم فذهب اليهم وسالهم
لماذا لاتقفزون مع زملائكم فاجابوه بصوت واحد
نحن الرز اللاصق في الحله ...
***************************
* مسطول لقى جدو بيأكل جلي قاليهو: انت بترجف والجلي يرجف
غايتو جهجهتو المعلقة جنس جهجهة
*******************************
* مسطول لقي اثنين في المقابر بفتشو علي قبر ابوهم وهم بتغالطوا: ياهو ده لا ماياهو، ياهو ده لا ماياهو،
قاليهم: انتو دايرين تدوهو فاتحه ولامصاريف
******************************
* مسطول عمل عملية تجميل جاء داخل لاهلو بعد العملية
قال ليهم على بالقسم ما عرفتكم
*******************************
*واحد مسطول متجرس من رمضان سالو واحد رمضان كيف
قل ليهو والله رمضان حقو يسوهو ذي كاس العالم كل اربعه سنه في دوله
******************************
* واحد بصلح في الإشارة حقت عربيتو (سيارتو) قال لــ واحد مسطول
يا إبن العم بالله لو سمحت ممكن تشوف لي الخطر ده شغال ولا ما شغال؟
المسطول مشى خلف العربية .. وقعد يقول ليهو شغال .. ماشغال .. شغال .. ما شغال .. شغال .. ما شغال
****************************
* مسطول اشتري عربية شبح جديدة لنج
وهو سايقها فتح الراديو سمع هنا لندن، قال انعل ابو السرعة ذاتو
******************
* جعلي ماشي في جنازة حقة شايقي والجعلي قاعد يبكي بحرقة شديدة قام واحد سألو قال ليهو الميت دة قريبك قال ليهو لا والله لكن سمعة انو البكا الشديد بعزب الميت.
.................................................. ..............................
* اهلنا المحس جاهم امام ضيف الركعة الاولي صلي بيهم بسورة التين والزيتون والركعة التانية صلي بيهم وفاكهة ورمان واحد منهم قال والله ماشاء الله القران ده ملان فواكه ومحمد صالح شابكنا هاكم التذاكر انزلوا المقابر.
.................................................. ............................... * أمام شايقى وهو في الركعة الثانية سمع واحد جعلى جارى يلحق الصلاة ..سلم وهو لسع واقف .
.................................................. ............................... * واحد احول اكتشف بعد عشرة سنوات انو كان بصرف على جيرانه .
.................................................. ............................... * واحد بنى بيته على شكل دائري عشان مراته ما تقول ليهو حابسني بين أربع حيطان
.................................................. ...............................أوهاج وأدروب أشتروا قندول بنقو ومشوا المقابر يسطلوا
بعد السجارة العاشرة , لفوا سجارة جديدة .. الكبريتة خلصت
أدروب شاف ليه جماعة من بعيد .. بحفروا فى قبر
فقال لأوهاج " امش شوف الجماعة البيدفنوا ديل يمكن تلقى كبريت "
أوهاج مشى وأتأخر على أدروب ... أدروب حصًلو هناك لقى صاحبنا بتفرج على الجنازة.
أدروب: " شنو ياخى ! .. وين الكبريت ؟.
أوهاج: " أنتا فى الكبريت ..ولا تعال شوف السيجارة دى لافنها بي كم كرت.
ــــــــــــــــــــــــــــــــــــــــــ
ودالفكى ابراهيم
zoyamemo@hotmail.com

والله العظيم إبداع يا ود الفكي إبراهيم والله العظيم ضحكت انا و المدام حتى بكيت و ما عارف اخر مرة ضحكت في هذه الغربة المريرة مثل هذا اليوم ز
و أهدي إليك هذه النكتة
مسطول سايق سياراتو بسرعة جنونية صدم ليهو عسكري و قتلو ,قام المسطول اتصل على (999) و قال ليهم تراكم من اليوم اصبحتو 998
اخوك بكري ود العبد (مشارك في المنتدى باسم ALmogadam )

نصيحة لوجه الله تعالي:

أخي ود الفكي إبراهيم أعلم أن الاستهزاء بحرف من القرآن الكريم هو كفر يخرج صاحبه من الملة فكلام الله مقدس ليس للنكات أو السخرية وأعمل أن من استهزاء بشئ من كلام الله فقد خرج من الملة وعليه التوبة والعودة للإسلام وإن الرجل ليلقي بالكلمة من غضب الله لايلقي لها بالاً فيهوى بها في النار.
لقد احتوت نكاتك على استهزاء بكتاب الله وبعبادة الصوم ووعليك وزرها ووز من قرأها أو نلقها.
فأرجو التوبة والاستغفار وعدم العودة لمثل ذلك. اللهم هل بلغت اللهم أشهد.

أخوك/عبدالماجد أبوفارس

اخى وعزيزى ابوفارس لك منى كل التحيه والاحترام
اولا اشكرك على النصيحه الغاليه واوعدك انى سوف اقوم بحزف كل النكات التى فيها استهذا بكلام الله وجزاك الله عنى وعن احباب المنتدى كل خيروربنا اتقبل توبتنا وتقبل تحياتى اخوك محمد عبدالوهاب ودالفكى ابراهيم

بارك الله فيك وجزاك خيرا وقبل توبتك وكتب لك حجة إن شاء الله

أخوك أبوفارس

لذيذذذذذذذذذذذذذذذذذذذذذذذذذذذذ عديل كده يا الفكى ،الواحد من زمان نفسو يضحك من جوه واهو انت ما قصرت ..وبارك الله فى الاخ ابو فارس على النصائح الغالية وارجو ان نعمل بها
وبالمناسبة دى اهدى اليك هذه النكتة:
واحد سأل دكتور مسطول قال ليهوعملية التجميل بتكلف كم؟ قال ليهو حسب شناتك...ههههههههههه

شمكور يا مونتى على الهديه ويالله ماتنقطع مننا نحن راجين الضحك

لاخ الرائع دوما ود الفكى اخبارك شنو ومالك قطعت عننا الاخبار الرياضية

يديك العافية ود الفكى
ونصيحة اخوك ابو فارس دى غالية ومش بتطلع من اى حد الى حد محب
ولك شكرى وتقديرى
والله المستعان

ود الفكي طبعا موتني من الضحك
يسلمو على النكت دي

تسلمو شباب على المرور والتعقيب وانشاءالله دايمه الضحكه على وجوهكم
تحياتى للجميع

ود الفكي
الحكاية شنو متنا بالضحك
هههههههههههههه
ههههههههههههههه