اهلـــنا الطبين حبابكم

يابت الحكيم ارجو ان ترسلى للحكيم كرت زيارة عشان نجى نشرب قهوتك دى معاه بالفنجان المتمر وشرب المويه الصاقطة بكوز الالمون الملمع من الزير وماعاوزين شاى احمر عاوزين
شاى (مقنن) واللبن من بقرات الحكيم والعشاء ملاح (ويكاب) اكان سويت ده ارسلية لينا بالا بالانترنت حق وليد ولعلمك ياسين ممنوع من كل هذا لانة ما حيلقى راحتو مع نسيبو الح الحكيم نحن فى الانتظار الى اشعارآخر وربنا يكثر من امثالك يا بت الحكيم ويطول عمرة
وتحياتى لكل من يحضر هذه الدعوة
اخوكم /محمداحمد صالح (أبوعمار)

الأخت الكريمة هدى .

بعد التحية والسلام ،،
اولا تحياتي عبرك موصولة لى ابوكم ولى الأخ وليد وعلي المجهود الكبير القام بيه عشان ما إنشي الموقع، وسلامي لكل البتعرفيهم والأخوان وربنا يخلي ليك اولادك ويحفظكم ويرد غربتكم.
انا دفع الله ود قدوم ، من الامارات وان شاءالله سنتواصل ،ومرة تانية ما تنسي تسلمي على الأخ الأكبر ياسين.


تحياتي : أبومأب
دبي

مرحب حباب عمتي بت بطحان سليلة الدوحة الوارفة العارف بالله الشيخ فرح ود تكتوك أنا شديد الاعتزاز برحمي البطحاني الواصل عبركم طبعاً أنت قد تكوني شوية تعبانة في الحساب بس أسألي جدي الحكيم قولي له ناس أم دبيبة ديل ببقوا لينا شنوا.
نشكرك على مشاركاتك القيمة في منتدى السديرة الذي خرج من مطبخك مطبخ الكرام أولاد بطحان البكرموا الضيف أهل البطانة والسيف. ما ذكر الكرم إلا وذكرت هدي بنت الحكيم ، فالأخوان كلهم بيثنوا عليكم يا بنت الكرام. طبعاً أنا كبرتك شوية وقلت ليك عمتي ولكن دي الحقيقة والكبير يفضل طول عمره كبير.

إبن أخوك/ عبدالماجد أبوفارس

هلا وحباب ببت الحكيم
يا خلاصة المعاني الصار معناك موضع مثال … فوق المحسنات حايز لطف وكرم خصال
راكوبتك تسع كل اهلنا الطيبين، نتمني تجمعنا اللحظات تحتها ونشرب الشاي والقهوة فيها،
وان كتروا ناس السديرة وضاقت بيها العناقريب نفرش الواطة ونقضي احلي الاوقات. مشكورة علي دعوتك لينا ، مع اجمل التحيا لك ولابو محمد.