منتديات السديرة
أنت غير مسجل لدينا . للتسجيل اضغط على زر التسجيل


منتديات السديرة
أنت غير مسجل لدينا . للتسجيل اضغط على زر التسجيل

منتديات السديرة
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات السديرةدخول

descriptionحناكيش اخر زمن Emptyحناكيش اخر زمن

more_horiz
قال ليك حنكوش… .. امو قالت ليهو .. يا هيثم عليك الله امشى شوف لينا جزار اليضبح لينا الخروف ده…. حنكشه قال لامو : حرام مامى الخروف ده ما روح زينا……بعدين لو الجزار الوحشى ده طبحو بيموت؟؟.. المهم حنكشه طنطن ونقنق ومرق… فى الطريق دلوه على جزار… عيونو حُمُر…شايل مخلاية فيها فرار….ممُبرد طولو متر….والضُراعات مُحمله بالسكاكين…حنكشه قال ليهو:-
يا عمو..عمو….عمو هي !!
الجزار التلفت يمين وشمال ومشى , لكن حنكشه مشى وراهو وما زال مُرددً
"يا عمو هي مامى قالت ليك تعال اضبح الخروف , الجزار رد عليهو : واُمك دى وين , رد عيهو حنكشه : فى البيت , الجزار قال ليهو والبيت ده وين ,
رد حنكشه : هناك , الجزار نهرو : يا ولد ما عارف بيتكم بوين ؟؟!! حنكشه قعد يبكى ,وقال للجزار : انت هسا بتطورك فبيني كده ليها انا عملت ليك حاجة
, انت كعب , تعرف ان لو ما بعرفك كنت زعلت منك , المهم الجزار وصل البيت , ومسك الخروف و"هردولوب" قلب الخروف فى الارض , حنكشه صرخ
: براحه يا عمو بتكسرو , الجزار قال فى نفسو (( اكسرو الحكايا شنو , اكيد الخروف ده مستوردينو من بره , الجماعة المرتاحين ديل عندهم حاجات عجيبة ))
المهم الجزار قبض شلوفتو شديد ومسك سكينو ..…حنكشه صرخ وقبض توب امو وقعد يرجف ويتمتم "قشرو قشروهو , قشرو المجرمين ديل " وفجاة صاح حنكشه……دقيقة يا عمو…. خليني امشى الحمام…. عشان انا لما بشوف الدم بدوخ….الجزار قال ليهو : ما احسن ليك تودخ هنا بدل الحمام المهم حنكشه جرى الحمام , والجزار ضبح الخروف ودمو شرشر بعد شويه حنكش رجع متلبداً وقعد بعيد براااحه متمحن وايدو فوق خدو وقال للجزار بكل حنيه:-"يا عمو…عمو…. ممكن الانتا ضبحتو ده يكون خروفايه وتكون حامل عندها بيبي صغنتوتى , ويطلع يتيم , حرااام ..الجزار قال ليهو …." دا ضكر يا ولدي… ضكر… وبدء يسلخ فى الخروف , حنكشه قال للجزار : يا عمو هسا لو الخروف ده كان بسوسته ما كان ريحك من القشير ده …: خاصة وان الاستايل بتاع شعرو لايقه عليهو السوسته, الجزار بقى من الزعل والحُرقه يخرط الجلد خرِط
وقال للحنكوش :التسوي .. كريت في القرض تلقاهو في جلدها"؟……. بتعرف كريت؟؟؟؟"
رد عليه الحنكوش…." لا… لكن يتخيل لي كريت دي في كلية الاقتصاد….مع ناس سوسو…..وسمعت انها كانت مجكسه قرض دا هو اصلا من الديم لكن سكنو المنشيه لمن سمحو ليهم …. لكن هى شوكشتو…يخسي عليها…ما يستاهل كان راجل بعدين بيعرف يدق , والله الدنيا دي فيها ناس قاسين خلاص….لكن يا عمو…. اسم كربت حلو والله…… انا عاجبني"……حنكشه سرح والدموع ماليه عيونو…وبيردد:
ان شاء الله…. يا رب….. ماما…. تحمل.. وتلد….وتجيب.. بنوته… ونسميها كريت…. وتدخل كلية الطب…وتبقى دكتورة امراض جلدية……و تفتح عيادة و تكتب لافتة كبيرة تكتب عليها الدكتورة كريت اخصائية الامراض الجلدية .. " الجزار اتأثر من حالة حنكشه.. قام جدع السكين وقال البضح الضبح والسلخ طايرات…وقعد جنب حنكشه يقول امين يا رب حقق للحنكوش ده امينتو..
الجزار مرق من بيت ناس حنكشه وهوبيبكى ويقول "
ان شاء الله يا رب….. ببركة الشيخ ابو جدايل ديمه….ام حنكشه ..تحمل..وتلد.. وتجيب بنوته .. ونسميها كريت…..وندلعها نقول ليها كروته….وتدخل كلية الدكاترة ديك …وتبقى اخصائية امراض جلود…. وتجيب لينا طريقه نسلخ بيها بدون الم , واااى الخروف ده كان بيستحمل كيف مسككككككككككككين

descriptionحناكيش اخر زمن Emptyرد: حناكيش اخر زمن

more_horiz
هاهاهاهاهاهاهاهاهاهاه

حلوه داير لي قطعة ارض في مربع واحد ابوادم

descriptionحناكيش اخر زمن Emptyرد: حناكيش اخر زمن

more_horiz
هههههههههههههههه في تعال شوفه

descriptionحناكيش اخر زمن Emptyرد: حناكيش اخر زمن

more_horiz
والله جد حناكيش اخر زمن يديك العافيه عسيلاتى

descriptionحناكيش اخر زمن Emptyرد: حناكيش اخر زمن

more_horiz
ههههههههههههههه والله زى ماقال ليك ودالفكى يا عسيلاتى فعلا حناكيش اخر الزمن
ولك شكرى وتقديرى
والله الموفق
privacy_tip صلاحيات هذا المنتدى:
لاتستطيع الرد على المواضيع في هذا المنتدى
power_settings_newقم بتسجيل الدخول للرد